• USD 424.85

  • EUR 504.21

  • RUB 5.84

  • CNY 65.86

08 Jeltoqsan, 09:48:08
Almaty
+7°

Prezıdent Qasym-Jomart Toqaev "Halyqaralyq qaryz arhıtektýrasy jáne ótimdilik" atty joǵary deńgeıdegi jıynda sóz sóıledi. Bul týraly Aqorda saıty habarlady.

Saıt málimetinshe, memleket jáne úkimet basshylary deńgeıindegi onlaın forým COVID-19 pandemııasy kezeńinde halyqaralyq kúsh-jigerdi damý baǵytyn qarjylandyrý salasyna qaraı jumyldyrýǵa arnalǵan.

"Teńizge shyǵatyn joly joq damýshy memleketter tobynyń tóraǵasy retinde sóz sóılegen Qasym-Jomart Toqaev koronavırýs pandemııasy bastalǵaly beri topqa múshe elder sheteldik ınvestısııalardyń azaıýy, saýda-sattyq pen aqsha aýdarymdarynyń tómendeýi, qarjylyq qaryzdardyń ósýi, ortasha alǵanda ekonomıkanyń 2,4 paıyzǵa quldyraýyna sebep bolǵan bıýdjet múmkindiginiń aıtarlyqtaı kemýi sekildi asa qaýipti qubylystarmen betpe-bet kelgenin atap ótti" delingen habarlamada.

Prezıdent jahandyq qarjy qurylymdaryn, BUU ınstıtýttaryn, sondaı-aq, ózge de halyqaralyq jáne óńirlik uıymdardy Teńizge shyǵatyn joly joq damýshy memleketter tobyna múshe elderdiń ekonomıkalyq ósimdi qaıta qalpyna keltirýge baǵyttalǵan is-qımyly kezinde olardyń erekshe qajettilikterine basa mán berýge shaqyrdy.

Sonymen qatar prezıdent Toqaev BUU-nyń teńizge shyǵatyn joly joq damýshy memleketter tobyna múshe elderge arnalǵan Vena baǵdarlamasyn júzege asyrý jónindegi jol kartasynyń ózektiligi arta túskenine toqtaldy. Osyǵan oraı seriktes memleketterdi Addıs-Abeba baǵdarlamasynda belgilengen barlyq jeti baǵyt boıynsha júrgiziletin jumystardy jumyla atqarýǵa, sondaı-aq damytý maqsatyndaǵy resmı kómektiń qazirgi deńgeıin saqtap qalýǵa úndedi.

Forýmǵa Argentına, Venesýela, Egıpet, Italııa, Kanada, Pákistan, Túrkııa, Qatar, Fransııa, Ekvador, Japonııa, Iаmaıka jáne basqa da memleketterdiń basshylary, sondaı-aq, BUU Bas hatshysy Antonıý Gýterrısh, Halyqaralyq valıýta qorynyń, Ekonomıkalyq yntymaqtastyq jáne damý uıymynyń, Dúnıejúzilik banktiń, Dúnıejúzilik saýda uıymynyń, Eýropalyq odaq pen Afrıkalyq odaqtyń jetekshileri qatysty.

"Qamshy" silteıdi
Ilmek sózder: Toqaev

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir