29 Naýryz, 2021 NEWS
Foto: Ashyq derekkóz
Nur-Sultannyń bas sanıtar dárigeri S.Beısenova qalada shekteý sharalarynyń kúsheıtilgenin habarlady.
"Saýda úıleriniń, saýda ortalyqtarynyń jumysyn kúsheıtilgen sanıtarııalyq-epıdemııaǵa qarsy, sanıtarııalyq-profılaktıkalyq is-sharalardy saqtaı otyryp, bir kelýshige 4 m2 esebinen tolymdylyǵyn saqtaǵan kezde, jumys kestesin jumys kúnderi saǵat 10:00-den 17:00-ge deıin isteıdi, al demalys kúnderi jumys toqtatylady" delingen bas sanıtar dárigerdiń qujatynda.
Qaýlyǵa sáıkes:
- buqaralyq, otbasylyq, eske alý is-sharalaryn, onyń ishinde úıde (banketter, úılený toılary, mereıtoılar, eske alý jáne t.b.), sondaı-aq merekelik korporatıvterdi uıymdastyrýǵa, mıtıngiler, sherýler, jıyndar jáne t. b. ótkizýge jáne qatysýǵa tyıym salynady;
- qyzmeti jańartylmaǵan obektilerge: boýlıng-ortalyqtarǵa, kompıýterlik klýbtarǵa, kınoteatrlar, kınorýmdar, bılıard, karaoke, batýttar, túngi klýbtar, býkmekerlik keńseler men oıyn klýbtaryna, onyń ishinde jabyq úı-jaılardaǵy lotereıalar, balalar oıyn ortalyqtary jáne oıyn alańdary men attraksıondar, onyń ishinde sport obektilerinde ornalasqandardy qospaǵanda, muz jáne rolıkti muz aıdyndaryna barýǵa tyıym salynady;
- saýda obektilerine, qyzmet kórsetý salasyndaǵy obektilerge, qoǵamdyq kólikke jáne adamdar kóp jınalýy múmkin oryndarǵa dezınfeksııalyq is-sharalardy júrgizý boıynsha jumys kúsheıtiledi;
- qalalyq qoǵamdyq kóliktiń jumysy senbi kúnderi shtattyq rejımde, jeksenbi kúnderi júrmeıdi;
- Qashyqtan oqytýǵa 9, 11 (12) synyp oqýshylaryn qospaǵanda barlyq stýdent, sondaı-aq qala oqýshysy kóshedi;
- joǵary oqý oryndary men kolledjderdiń jumysyn barlyq kýrs stýdentteri úshin qashyqtyqtan oqytý rejımine kóshedi;
- bilim berý mekemelerinde sabaqtan tys ýaqytta oqýshylardyń jeke oqýyn uıymdastyrýǵa tyıym salynady;
- Qoǵamdyq tamaqtaný obektilerine demalys kúnderi jumys isteýine tyıym salynady.
Osy qaýly 2021 jylǵy 30 naýryz saǵat 00:00-den bastap kúshine enedi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir