• USD 424.85

  • EUR 504.21

  • RUB 5.84

  • CNY 65.86

27 Qańtar, 19:55:50
Almaty
-6°

Búgingi kúni bárimiz biletin KFC dámhanalary negizin qalaýshy Harland Sanders ómirimde 1009 ret jeńiliske ushyraǵan jáne 65 jasynda ǵana tabysqa jetti.

Sanders 5 jasynda ákesi qaıtys boldy da, onyń anasy otbasynyń kún kórisi úshin kúni boıy jumys isteýge májbúr boldy. Bala Sanders te baýyrlaryn asyraýǵa kómektesýdi oılap, jastaı jumys istedi. Ol 6 jasynda tamaq pisirýdi úırendi. 7 jasynda-aq myqty aspazǵa aınaldy. 10 jasynda fermada jumys istedi. Eki jyldan keıin sheshesi ekinshi ret turmys qurdy. Biraq ekinshi kúıeýi balalardy uryp-soǵatyn adam boldy da, Sanders mekteptegi oqýynan shyǵýǵa májbúr boldy.

13 jasynda úıinen ketip, ata arbalardy boıaıtyn jumysqa kirdi. 15 jasynda AQSh armııasyna ketti. 18 jasynda úılenip, otbasyn qurdy. Bir uly, eki qyzy boldy. О́kinishke qaraı, uly jastaı qaıtys boldy. Bir kúni Sanders úıine kelgende áıeliniń ketip qalǵanyn bildi. Áıeliniń aǵasy oǵan qaldyrǵan hatta "sen sııaqty jumyssyz adamǵa otbasy kerek emes" dep jazǵan-dy. Osylaısha onyń otbasy ekige bólindi

Sanders ómiriniń aldyńǵy jartysynda ár túrli jumystar istedi. Ol saqtandyrý qyzmetterin satty, dóńgelek satty, fermada jumys istedi, qaıyqta júrgizýshi boldy, hatshy da boldy, zańger boldy, istemegen jumysy qalmady. Osylaısha, Sanders bir jumysta turaqtap uzaq ýaqyt isteı almady. Ol únemi jumystan shyǵarylyp otyrdy.

Ol 40 jasqa kelgende janar maı beketinde qýyrylǵan taýyq etin satty. Kóp ótpeı, onyń qýyrǵan taýyǵy barǵan saıyn tanymal bolyp, 140 orny bar úlken dámhanaǵa aınaldy. Keıingi on jylda Sanders taýyq qýyrýǵa arnalǵan "qupııa resebin" damytty.

Biraq ol 65 jasqa kelgende onyń ashana bıznesi bankrot boldy. Nátıjesinde 65 jastaǵy Sanders zeınetke shyqqan jáne bankrot bolǵan adamǵa aınaldy.

Alaıda ol óziniń armanynyń oryndalatynyna senýden taımady. Sanders eshqashan kúder úzbedi. Ol óziniń qoǵamdyq saqtandyrý qoryndaǵy 105 dollardy qoldanyp, Amerıkany aralap, bıznes seriktester izdedi. Ol Sanderstiń ómirindegi eń qıyn ýaqyttar edi. Sanders sol kezdegi eki jylda kóliginde uıyqtady jáne ash júrdi. Onyń ústine Sanderstiń usynysy art-artynan toıtarylyp otyrdy. Biraq ol úmit úzýdi eshqashan tańdamady. Sanderstiń usynysy 1009 ret keri qaıtaryldy. Eń sońynda oǵan kelisetinder shyqty.

Keıinirek Sanderstiń 600 franshızasy bar KFC dámhanasy boldy. Onyń dámhanasy tez damyǵany sonshalyq, Sanderstiń basqarýy qıynǵa soqty. 1964 jyly ol dámhanany 2 mln dollarǵa satty. Degenmen ol kompanııanyń ókili retinde ornyn saqtap qaldy.

Sanders 90 jasynda ómirden ozdy.
Búgingi kúni álemde 20 myńnan artyq KFC dámhanalary bar jáne jyldyq tabysy 27 mıllıard dollar.

"Qamshy" silteıdi
Ilmek sózder: KFC Sanders

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir