• USD 424.85

  • EUR 504.21

  • RUB 5.84

  • CNY 65.86

09 Jeltoqsan, 14:10:53
Almaty

Almatydaǵy Shoqan Ýálıhanov atyndaǵy alańda ótken Demokratııalyq partııa bastamashyl toby jaqtastarynyń Qazaqstanda Qytaı zaýyttarynyń salynýyna qarsy ótkizgen ruhsat etilgen mıtıngi aıaqtaldy.

Mıtıngke 400-ge jýyq adam qatysty. Aksııa barysynda tirkelmegen Dempartııa jaqtastarynan bólek oppozısııalyq jýrnalıster Ermurat Bapı men Rysbek Sársenbaı, belsendi Gúljan Erǵalıeva sóz sóıledi,

Narazylyq aksııasy kezinde Qamshy tilshileri 4 adamdy avtozagqa salyp alyp ketkenin kórgen. Demokratııalyq partııa bastamashyl tobynyń jetekshisi Janbolat Mamaı budan bólek taǵy 6 adamdy ustaǵanyn aıtty. Dempartııa belsendisi Dáýren Dostııarov alańǵa kele jatqan belsendilerdiń jolda ustalǵany týraly estip jatqandaryn habarlady.

Foto: qamshy.kz

Mıtıngke shyqqandardyń qoldaryndaǵy plakattarda "Qytaı elshisi elshi me, jaýshy ma?", "Úkimet Qazaqstandy saýdaǵa salmaq", "Qytaı ekspansııasyna jol joq", "Qytaı, jerimizge kóz salma", "Jerińdi qorǵamasań, "jer" bolasyń", "Qytaı ekspansııasy táýelsizdikten aıyrý", "Jer satylmaıdy, jalǵa berilmeıdi", "Sańyraý prezıdent kerek emes", "Ultaraqtaı bolsa da, ataqonys jer qymbat" dep jazylǵan.

Mıtıng sońynda Demokratııalyq partııa bastamashyl tobynyń jetekshisi Janbolat Mamaı tómendegideı talaptaryn qoıdy.

1. Qazaqstanda Qytaıdyń 56 zaýytynyń qurylysyn júrgizýge qarsymyz;

2. Qytaıdan memleketimiz qansha qaryz aldy, ne úshin aldy, sony bılik ashyq jarııalasyn;

3. Qytaımen qandaıda bir ekonomıkalyq sharttar qoǵam talqylaýynsyz qabyldanbaýǵa tıis;

4. Qytaıdan jumysshylar keltirilmesin. Barlyq jumysty Qazaqstannyń azamattary atqarýy tıis;

5. Jer sheteldikterge jalǵa berilmeıdi, satylmaıdy degen sózdi Konstıtýsııaǵa engizý kerek;

6. Jer máselesin bılik taǵaıyndaǵan komıssııa músheleri emes, shynaıy táýelsiz kúshter qaraýǵa tıis;

7. Bılikten barlyq saıası tutqyndardy bosatyp, olardy qýdalaýdy doǵarýdy talap etemiz;

8. Qazaqstanda saıası partııalar týraly, saılaý týraly zań qabyldanyp, oppozısııalyq uıymdar tirkeýden ótýge tıis!

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir