Shymkent qalasy, Batys Qazaqstan, Shyǵys Qazaqstan, Aqtóbe,  Qaraǵandy, Almaty oblystarynda karantın sharalary kúsheıtiledi. Bul týraly óńirlerdiń bas sanıtar dárigerleri málimdedi.

Shymkent qalasynyń bas sanıtar dárigeri Ábdimanap Týlebaev karantındi kúsheıtýge qatysty jańa qaýly shyǵardy.

"Shymkent qalasynyń aýmaǵynda 29 naýryz saǵat 00:00-den bastap 12 sáýir saǵat 00:00-ge deıin karantın sharalary uzartylsyn" delingen qaýlyda.

Jańa qaýlyǵa sáıkes: 

  • Azyq-túlik jáne azyq-túlik emes bazarlar jumys kúnderi 6.00-den 18.00-ge deıin jáne demalys kúnderi 9.00-den 17.00-ge deıin ashyq bolady;
  • shekteý sharalaryna baılanysty menshik nysanyna qaramastan barlyq uıym qyzmetkerleriniń keminde 30%-y qashyqtan jumys isteý formatyna aýystyrylady;
  • Dámhana men meıramhanalar 50 adamnan kóp adamdy qabyldamaı, 7.00-den 23.00-ge deıin jumys isteıdi;
  • Merekelik is-sharalar men otbasylyq jıyndar, buqaralyq is-sharalar ótkizýge tyıym salynady. Qaıtys bolǵan kisini eske alý is-sharalaryn 50 adamnan kóp jınalmaı ótkizýge bolady;
  • Spa-ortalyqtar, sulýlyq salondary, shashtaraz, monsha, saýna 9.00-den 23.00-ge deıin jumys isteıdi. Nysan tek jartylaı tolyq bolýy kerek;
  • Saýda oıyn-saýyq ortalyǵy 9.00-den 22.00-ge deıin ashyq bolady.

Batys Qazaqstan oblysynyń bas sanıtar dárigeri M.Aryspaev karantın sharalary týraly №8 qaýlysyna ózgerister engizgenin málimdedi.

О́zgeriske saı:

  • oıyn-saýyq, sporttyq is-sharalardy, kórmelerdi, forýmdardy, konferensııalardy, sondaı-aq otbasylyq, estelik is-sharalardy ótkizýge tyıym salynady;
  • barlyq oıyn-saýyq obektileriniń (kınoteatrlardyń, teatrlardyń, mádenıet obektileriniń (daıyndyq), banket zaldarynyń jáne oıyn alańdarynyń, túngi klýbtardyń, barlardyń, karaokeniń, bılıardtyń, kompıýterlik jáne oıyn klýbtarynyń qyzmetine tyıym salynady;
  • jeke kásipkerler qyzmetkerleriniń keminde 50%-yn "qashyqtan" jumys nysanyna aýystyrý usynyldy;
  • HQKO jumys kúnderi (dúısenbi-juma) saǵat 9.00-den 18.00-ge deıin, senbi kúnderi saǵat 9.00-den 14.00-ge deıin isteıdi;
  • oqýshylardy oqytýǵa ruqsat beriledi;
  • kontıngenti 300 oqýshyǵa deıin qalalyq jáne aýyldyq mektepterde synyptardaǵy balalar sany 15 adamǵa deıin dástúrli formatta oqytylady;
  • synyptardy 15 baladan asyrmaı jınaqtaýdy saqtaı otyryp, ata-analardyń ótinishi boıynsha jalpy bilim beretin mektepterde 1-den 5 synypqa deıin qosa alǵanda, halyqaralyq mektepterde 7 synypqa deıin qosa alǵanda kezekshi synyptarda oqytylady;
  • bilim berý mekemesi ákimshiliginiń sheshimi boıynsha sabaqtan tys ýaqytta 15 adamnan aspaıtyn toptarda oqýshylardy jeke oqytýǵa ruqsat beriledi;
  • sulýlyq salondary, shashtarazdar, kosmetologııalyq qyzmet kórsetetin obektiler aldyn ala jazylý boıynsha jumys isteıdi.

Shyǵys Qazaqstan oblysynyń bas sanıtar dárigeri Q. Týrdıev koronavırýs ınfeksııasynyń taralýyn aldyn alý maqsatynda 19 aqpandaǵy №4-5 qaýlysyna ózgerister men tolyqtyrýlar engizdi.

Ol boıynsha:

  • kontıngenti 300 oqýshyǵa deıin qalalyq jáne aýyldyq mektepterde synyptardaǵy balalar sanyn 25 adamnan asyrmaı dástúrli formatta oqytylady;
  • bilim berý uıymy ákimshiliginiń sheshimi boıynsha sabaqtan tys ýaqytta 15 adamnan aspaıtyn toptarda oqýshylardy jeke oqytylady;
  • jalpy bilim beretin mektepterde barlyq synyptardyń oqýshylary úshin synyptardaǵy balalar sanyn 25 adamnan asyrmaı aralas formatta oqıdy;
  • kolledjder men joǵary oqý oryndarynyń 1 kýrs stýdentteri úshin shtattyq oqytý jalǵastyrylady.

Aqtóbe oblysynyń bas sanıtar dárigeri N.A. Berkimbaeva Oıyl aýdanynda turǵyndar arasynda koronavırýs ınfeksııasynyń taralýyn aldyn alý maqsatynda jańa qaýly jarııalady.

Qaýlyǵa sáıkes:

  • konferensııalar, kórmeler, forýmdar, oıyn- saýyq, sporttyq, sondaı-aq adamdar kóp jınalatyn otbasylyq, saltanatty, estelik, as berý jáne basqa da is-sharalardy ótkizýge tyıym salynady;
  • kezekshi toptardy qospaǵanda, mektepke deıingi balalar mekemeleriniń qyzmeti toqtaıdy;
  • banket zaldarynyń qyzmetine tyıym salynady;
  • bastaýysh, orta jáne negizgi orta deńgeıdegi bilim berý, orta oqý uıymdaryndaǵy ashana jumysy toqtaıdy;
  • teatrlardyń, kınoteatrlardyń, konserttik zaldardyń jumysy toqtaıdy.

Almaty oblysynyń bas sanıtar dárigeri A. Charapıevtyń qaýlysy 28 naýryz saǵat 07:00-den bastap kúshine enetinin eskertti.

  • qoǵamdyq tamaqtaný oryndarynyń qyzmeti toqtaıdy;
  • balalar saýyqtyrý lagerleriniń jumysy toqtaıdy;
  • balalar oınaıtyn saýda ortalyqtary men saýda úıleriniń qyzmeti toqtatylady;
  • qalaaralyq/oblysaralyq turaqty avtobýstardyń qozǵalysyna ruqsat beriledi;
  • qoǵamdyq kólikterdiń jumysy 23:00-ge deıin uzartylady;
  • keńesterdi betpe-bet ótkizýge tyıym salynady;
  • 65 jastan asqan azamattar dalaǵa shyǵýy shekteledi.

Qaraǵandy oblysyna qarasty Abaı aýdanynyń bas sanıtar dárigeri G. T.Bespaev karantın sharalaryna qatysty jańa qaýly jarııalady.

Atalǵan qujatta Abaı aýdany aýmaǵynda shekteý sharalaryn qatańdatý týraly bas sanıtar dárigerdiń 17 naýryzdaǵy №236 qaýlysyna ózgerister men tolyqtyrýlar engizildi.

Atalǵan qujatta:

  • kóterme jáne bólshek saýda úıleriniń/bazarlarynyń jumysyn 09:00-den 17:00-ge deıin shekteı otyryp, mereke, demalys kúnderi jumys isteýine tyıym salynady;
  • qoǵamdyq tamaqtaný nysandarynyń jumysy 20:00-ge deıin isteıdi (senbi, jeksenbi jumys istemeıdi);
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir