• USD 424.85

  • EUR 504.21

  • RUB 5.84

  • CNY 65.86

18 Qazan, 05:24:13
Almaty
+3°

Almaty TV telearnasy qalada mereke kúnderi jumysyn toqtatpaǵan taǵy bir meıramhana anyqtalǵanyn habarlady. Monıtorıngtik top pen qalalyq shtabtyń mamandary birlesip, kóńil kóteretin orynnyń ishine 3 saǵat kire almaǵan. Nysanǵa kirgennen keıin ol jerde karantın talaptaryn saqtamaǵan qonaqtar júrgeni belgili boldy. Olardyń arasynda elge tanymal ánshiler men ártister de bar. 

Aqparatqa sáıkes, qaladaǵy úlken meıramhanalardyń birindegi qyzmetkerler monıtorıngtik toptyń kelgenin kórse de, esikti ashpaǵan. Amaly qalmaǵan mamandar elektrıkterdi shaqyryp, jaryq júıesin kesip tastaǵan.

Oqıǵa Medeý aýdanynda boldy.  Qaladaǵy barlyq tekserýshiler aıaǵynan tik turyp, esikti uzaq ýaqyt ashpaǵan meıramhanany 3 saǵat qorshaýda ustaǵan. Bir qaraǵanda meıramhana jabyq sııaqty bolǵanymen, terezelerin jaryq kórinbeıtin etip qarańǵylaǵan.

Kútpegen jerden ishtegi qonaqtardyń biri esikti ashyp qalǵan. Barlyq kelýshi burysh-buryshqa tyǵylǵanymen, eshkim qutyla almaǵan. Olardyń arasynda tanymal ánshi Qaırat Nurtas ta bar.  

Ánshini kóleńkeleýge tyrysqan kúzetshiler tilshilerge de tap bergen. Telearnanyń operatoryna shabýyl jasap, kamerany syndyrýǵa tyrysqan.

Anyqtalǵandaı, kásipkerlik nysanda 200-den astam adam bolǵan. Barlyǵy Medeý aýdandyq polısııa basqarmasyna jetkizilip, ákimshilik quqyq buzýshylyqtyń 425-baby boıynsha hattama toltyryldy. Kelýshiler men mekeme qyzmetkerlerine 87 myń kóleminde, kásipkerge 670 myń teńge shamasynda aıyppul salyndy.

"Qamshy" silteıdi
Ilmek sózder: Almaty

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir