25 Naýryz, 2021 NEWS
Kórneki sýret
Jer máseleleri jónindegi zańger Baqytjan Bazarbek jergilikti jerlerdegi atqarýshy organdar turǵynúı salýǵa arnalǵan jer ýchaskelerin satýdy tyıý úshin Jer kodeksiniń 97-baby 3-tarmaǵyna ózgeris engizý kerektigin usyndy.
Onyń aıtýynsha, Jer kodeksiniń 97-baby 3-tarmaǵyna sáıkes, sharýa-ferma qojalyǵy jerleriniń nysanaly maqsatyn jeke turǵynúı qurylysy men jeke qosalqy úı sharýashylyǵy úshin aýystyrýǵa tyıym salynǵan. Bul norma jumys istegenimen, 97-baptyń 3-tarmaǵyn aınalyp ótýdiń amaly tabylǵan.
– Jergilikti atqarý organdary men ákimdikter nysanaly maqsaty boıynsha sharýa-ferma qojalyǵy jerlerin saıajaı qurylysy men baǵbandyqqa aınaldyrý arqyly nysanaly maqsatty aýystyryp jatyr. Buǵan Jer kodeksinde tyıym salynbaǵan. Zańdaǵy osy olqy tusty paıdalanyp, jergilikti atqarý organdary Almaty, Nur-Sultan, Shymkent qalalarynyń mańyndaǵy myńdaǵan aýyl sharýashylyq alqaptaryn turǵynúı salýǵa, ıaǵnı saıajaı qurylysyna, baǵbandyqqa aýystyryp jatyr, – dedi ol jer reformasy jónindegi komıssııa otyrysynda.
Zańger osy faktorlardy negizge alyp, jer reformasy jónindegi komıssııa arqyly Jer kodeksiniń 97-baby 3-tarmaǵyna ózgeris engizip, sharýaqojalyǵy jerleriniń nysanaly maqsatyn aýystyrýdy toqtatýdy usyndy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir