Foto: www.kp.md
Tuńǵysh prezıdent Nursultan Nazarbaev Sheıh Hamdan ben Rashıd Ál Maktýmnyń qaıtys bolýyna baılanysty BAÁ-niń prezıdenti Sheıh Halıfa ben Zaıd Ál Nahaıanǵa jáne BAÁ-niń vıse-prezıdenti, premer- mınıstri, Dýbaı bıleýshisi Sheıh Muhammed ben Rashıd Ál Maktýmge kóńil aıtý jedelhattaryn joldady. Bul týraly elbasy.kz saıty habarlady.
"Sheıh Hamdan ben Rashıd Ál Maktýmnyń ómirden ozǵany týraly sýyt habardy kúızelispen qabyldadym.
Osy qaraly kúnde qaıǵylaryńyzǵa ortaqtasa otyryp, sizderge jáne barsha Ámirlikter halqyna kóńil aıtamyn.
Sheıh Hamdan óziniń sanaly ǵumyryn halqynyń ıgiligine, árbir otandasynyń múddesin qorǵaýǵa arnady. Ol Birikken Arab Ámirlikteri qurylǵan ýaqyttan beri jaýapty laýazymdardy atqaryp, memlekettiń gúldenýine qosqan eleýli úlesi arqyly el tarıhynda óshpes iz qaldyrǵan Otanynyń kórnekti perzenti. Sondyqtan onyń jarqyn beınesi Ámirlikter halqynyń júreginen óshpes oryn alatynyna senimdimin" delingen jedelhatta.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir