• USD 424.85

  • EUR 504.21

  • RUB 5.84

  • CNY 65.86

24 Qazan, 17:25:56
Almaty
+10°

Qazaqstanda 1 aqpannan bastap koronavırýsqa qarsy jappaı vaksınasııalaýdyń birinshi kezeńi bastaldy. Onyń aıasynda densaýlyq saqtaý vıse-mınıstrleri, ákimder, medısına qyzmetkerleri, pedagogter ekpe saldyrdy. "Qamshy" tilshisi qaýipti indetke qarsy vaksına saldyrǵan adamdarmen tildesip, jaǵdaılaryn bildi.

Vaksınanyń alǵashqy dozasyn saldyrǵandardyń biri – Qarlyǵash Tórebekqyzy. Mamandyǵy – oqytýshy. Qazirgi ýaqytta Qyzylordadaǵy M.Mametova atyndaǵy pedagogıkalyq kolledjde jumys isteıdi. Aıtýynsha, ekpe saldyrǵannan keıin eshqandaı aýyrsyný belgilerin baıqamaǵan.

– Qazir ǵalamda beleń alyp jatqan koronavırýs ınfeksııasy halyqty qatty alańdatyp otyr. Osyǵan oraı elimizde vırýsqa qarsy vaksınasııa júrip jatyr. О́zim 5 naýryzda "Spýtnık-V" vaksınasynyń alǵashqy dozasyn saldyrdym. Vaksınasııa erikti túrde júrgizildi. Vaksınasııa eki kezeńnen turady. Ekinshi doza josparǵa saı 26 naýryzda salynýǵa tıis. Alǵashqy dozadan keıin eshqandaı aýyrsyný belgileri bolmady. Tek dárigerler 3 kúnge deıin jyly kıinip, sýǵa túspeýdi eskertti. Keıbir adamda temperatýranyń kóterilýi syndy belgiler sezilgen. Biraq ózimde ondaı baıqalmady. Múmkin ımmýnıtetim jaqsy bolǵannan shyǵar, – dedi Ańsaǵan Nurmahanova.

Al Jetisaı qalasyndaǵy mektep ınternattardyń birinde eden jýýshy bolyp jumys isteıtin Farıza  Mútálhanqyzy vaksına saldyrǵannan keıin birneshe kún ózin jaısyz sezingen.

–  Bastapqyda boıymdy qorqynysh sezimi bıledi. О́mirime qaýipti emes pe degen oılar da keldi. Táýekelge bel býyp, bar úmitimizdi tek Allaǵa tapsyrdyq. Ajal kelse, vaksınasyz da ómirden ótip ketemiz ǵoı. Ekpe saldyrý erikti túrde bolǵandyqtan, biraz oılanyp, 11 naýryzda ujymmen bir úıdiń balalaryndaı vırýsqa qarsy "Spý́tnık-V" vaksınasyn saldyrdyq.

Ekpeden keıin meıirbıkeler bizdi 30 mınýt baqylap, temperatýramyzdy tekserip otyrdy. Alǵashqy kúnderi aýyrsyný belgileri baıqalyp, 3-4 kúndeı mazam bolmady. Qazir allaǵa shúkir jaǵdaıym óte jaqsy. Endi vaksınanyń ekinshi dozasyn saldyramyn dep otyrmyn. Odan keıin onyń áserin kóremiz. Bastysy ekpeden keıin ózimizge kútim jasap, salqyn sý ishpeı, jyly kıinip júrýge keńes berdi. Densaýlyq adam balasynyń eń basty baılyǵy ǵoı. Sondyqtan dárigerlerdiń aıtqandaryna qulaq asqanymyz abzal, – deıdi ol.

Almatydaǵy №143 orta mekteptiń qazaq tili men qazaq ádebıeti pániniń muǵalimi Ǵalııa Saýryqovada vaksınadan eshqandaı reaksııa bolmaǵan.

– 15 naýryzda Almaty qalasyndaǵy №2 emhanada koronavırýsqa qarsy "Spýtnık-V" vaksınasyn ektirdim. Densaýlyǵyma alańdaǵandyqtan, vaksınany alǵashqylardyń biri bolyp saldyrýdy jón kórdim. Ekpeden keıin densaýlyǵyma keri áseri bolmady. Jýyrda joldasym da saldyrdy, vaksınadan eshqandaı reaksııa bolǵan joq. Bul – bizdiń otbasylyq sheshimimiz. Endi 21 kúnnen keıin ekinshi dozany salǵyzamyz, – deıdi Ǵ. Saýryqova.

P.S. Densaýlyq saqtaý mınıstrligi 19 naýryzdaǵy jaǵdaı boıynsha Qazaqstanda 100 myńnan astam adamǵa koronavırýsqa qarsy vaksına salynǵanyn málimdegen. Onyń ishinde 63 myńnan astam medısına qyzmetkeri, 22 myń pedagog, kúsh qurylymdarynyń 7 myń qyzmetkeri, basqa sanattaǵy 8 myń adam bar.

Egilgen adamdardyń 1%-ynda dene temperatýrasy kóterilip, tumaýǵa uqsas jaı-kúıler, álsizdik, sondaı-aq vaksına engizilgen jerdiń isinýi jáne qyzarýy túrindegi jergilikti kórinister tirkelgen.

Adamdardy ımmýndaý maqsatynda sáýir aıynda 1 mln-nan astam azamat vaksınasııalanbaq.

ANYQTAMA

Qazaqstanda koronavırýsqa qarsy vaksına ektirý erikti túrde júrgiziledi. "Halyq densaýlyǵy jáne densaýlyq saqtý júıesi týraly" kodekstiń 77-babyna sáıkes, kez kelgen medısınalyq rásim onyń ishinde, vaksınalaý azamattyń kelisimi arqyly ǵana oryndalady.

Qazaqstanda azamattar vaksınalaýdan bas tartqany úshin ákimshilik nemese qylmystyq jaýapkershilikke tartylmaıdy. 

 

 

 

Nursulý Temirhanqyzy

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir