• USD 468.9

  • EUR 485.64

  • RUB 7.7

  • CNY 66.1

01 Jeltoqsan, 09:57:29
Almaty

AQSh pen Qytaıdyń Alıaskada ótken joǵary deńgeıdegi kelissózderi bir-birine ótkir syn aıtýmen ótti.

Qytaı sheneýnikteri AQSh-ty "Qytaıǵa shabýyl jasaýǵa" úgittedi dep aıyptady, al AQSh "Qytaı álsizderdi basyndy" dep málimdedi.

Eki alpaýyt eldiń qarym-qatynasy birneshe jyldan beri shıelenisi jaǵdaıda órbip keledi.

AQSh Shyńjańdaǵy qazaq, uıǵyr sııaqty musylman azshylyqtarǵa Beıjiń tarapynan jasalǵan qysym máselesin kóterýdi jalǵastyratynyn málimdedi.

Alıaskadaǵy ashýly jáne bir-birin aıyptaýǵa toly jaǵdaıda ótken kelissózderge AQSh tarabynan memlekettik hatshysy Antonıı Blınken men ulttyq qaýipsizdik jónindegi keńesshi Djeık Sallıvan qatyssa, Qytaıdan joǵary syrtqy saıasat qaıratkeri Iаn Szechımen jáne syrtqy ister mınıstri Van I keldi.

Blınken tikeleı ashylý málimdemesinde AQSh-tyń úlken alańdaýshylyǵy retinde Qytaıdyń keıbir is-qımyldaryn, onyń ishinde Shyńjań, Gonkong, Taıvan máselesin aıtty. Oǵan qosa, AQSh-qa kıber shabýyldar jáne Beıjińniń ekonomıkalyq májbúrleýi eki el arasyndaǵy túıitkil ekenin aıtty.

"Bul áreketterdiń árqaısysy jahandyq turaqtylyqty saqtaıtyn erejelerge negizdelgen tártipke qaýip tóndiredi" dedi ol.

Buǵan jaýap retinde Iаn Vashıngtondy óziniń áskerı kúshi men qarjylyq ústemdigin basqa elderdi basyp-janshý úshin paıdalandy dep aıyptady.

"Bul taýar aınalymyna kedergi keltirip, keıbir elderdi Qytaıǵa shabýyl jasaýǵa ıtermeleıdi" dep qosty ol.

"Qamshy" silteıdi
Ilmek sózder: Qytaı AQSh

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir