“Áli nátıje joq”. Toqaev úkimet basshysyna tapsyrma berdi

Prezıdent Qasym-Jomart Toqaev Almaty qalasy "Altyn Orda" bazary janyndaǵy jol aıryǵy qurylysynyń baıaý júrip jatqanyn synady.

– Bul – ásirese, qala irgesindegi eldimeken turǵyndary úshin eń ózekti máseleniń biri. Muny jurtshylyq qala ákimine talaı ret aıtqan. "Almaty – Bishkek" tas jolynyń osy jerden ótetin bóligi byltyr salynyp bitýge tıis bolatyn. Qajetti qarajat tolyq bólingen. Biraq áli nátıje joq. Asqar Uzaqbaıuly, Almaty jáne Almaty oblysynyń ákimderimen birlese otyryp, "Raıymbek – Almaty" ýchaskesiniń qurylysyn osy jyldyń sońyna deıin aıaqtaýdy tapsyramyn, – dedi Toqaev Almaty qalasyn odan ári damytý máseleleri jónindegi keńeste.