• USD 468.56

  • EUR 497.56

  • RUB 7.3

  • CNY 67.18

29 Naýryz, 04:56:25
Almaty
+35°

Prezıdent Qasym-Jomart Toqaev Almaty qalasynyń densaýlyq saqtaý salasyndaǵy kúrdeli ahýal týraly málimdedi.

Onyń aıtýynsha, bul saladaǵy kóptegen kókeıtesti máseleler koronavırýspen kúrestiń kóleńkesinde qalyp qoıyp jatyr.

– Jalpy azamattardyń medısınalyq qyzmet kórsetý sapasyna kóńili tolmaıtynyn aıtýymyz kerek. Medısına kadrlarynyń jetispeýshiligi de kóptiń kókeıindegi kúrmeýli másele. Bul problema jyldar boıyna sheshilmeı kele jatyr. Ásirese, keshegi tótenshe jaǵdaı rejımi kezinde bul máseleniń ózektiligi arta tústi. Qalaǵa 300-ge jýyq dáriger qajet. Bul óte kóp. Eger Almatyda jaǵdaı osyndaı bolsa, onda shet jatqan aımaqtar týraly ne aıtýǵa bolady?! Atalǵan jaǵdaıdy qalanyń densaýlyq saqtaý basqarmasyndaǵy kadrlardyń toqtaýsyz aýysýy ýshyqtyryp jiberip otyr. Onda jemqorlyqqa qatysty zań buzýshylyqtar oryn aldy. Qalaı aıtsaq ta, densaýlyq saqtaý basqarmasynda turaqtylyq bolǵan joq. Ákimdik bul máselelerdi sheshýmen naqty aınalysý kerek, – dedi prezıdent Almaty qalasyn odan ári damytý máseleleri jónindegi keńeste.

Toqaev eldegi epıdemııalyq ahýaldyń turaqsyz ekenin aıta kele, qala turǵyndary men bıznes ókilderi indetten saqtanýǵa asa mán bermeı, ony elemeı júrgenin de atap ótti.

– Men taǵy da otandastarymyzdy sabyr saqtaýǵa, barlyq sanıtarlyq normalardy qatań ustanýǵa, koronavırýsqa qarsy jappaı vaksınasııany qoldaýǵa shaqyramyn. Úkimet pen ákimdikter jappaı vaksınasııa júrgizýge daıyn bolýy kerek. Biz 1 aqpannan vaksınasııa jumysyn bastadyq. Biraq dál qazirgi ýaqytqa deıin vaksına saldyrǵan azamattardyń sany 19 myńnan sál ǵana asady. Jospar boıynsha biz 6 mıllıonnan astam adamǵa vaksına saldyrýymyz kerek. Eger óz óndirisimizdiń qýaty men Reseıden ákelinetin vaksına jetpeı jatsa, onda naryqqa shyǵyp, qajetti kólemdi ımporttaý qajet. Jappaı ımmýnıtet qalyptastyrmaı aýrýdy jeńe almaımyz, ekonomıkany qaıta qalpyna keltirý de múmkin emes. Úkimetke atalǵan jumysty jandandyrýdy tapsyramyn. Bul máseleni ózim baqylap otyramyn. Vaksınasııaǵa durys qaraý kerek, budan basqa jol joq. Osy máseleni azamattardyń esine taǵy bir márte salǵym keledi, – dedi memleket basshysy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir