Foto: vıdeodan skrınshot
Belarýs prezıdenti Aleksandr Lýkashenko "Mınsk shańǵy joly 2021" festıvaline qatysyp, bıatlon estafetasynda birinshi keldi, dep habarlady mk.ru saıty.
Týrnır kezinde túsirilgen vıdeodan prezıdenttiń qarsylasy 30 sekýnd ishinde úsh ret qulap, ornynnan tura almaı jatqanyn, Aleksandr Lýkashenkonyń moınynda jeńimpaz medali ilýli turǵanyn kórýge bolady.
Belarýs prezıdenttiniń baspasóz hatshysy Natalıa Eımont "Qarsylasy ádeıi qulady" degen málimdeme shyndyqqa janaspaıtynyn aıtty.
Artynsha, márege jaqyn qalǵanda qulaǵan shańǵyshy tanymal hokkeıshi ekeni anyqtalyp, ol ómirinde shańǵymen úsh ret qana syrǵanaǵany habarlandy.
Munyń aldyndaǵy etapta Lýkashenkonyń uly Nıkolaı osy estafetada 2010 jylǵy qysqy olımpıadanyń kúmis júldegerin basyp ozǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir