Jańa qaýly. Qazaqstannyń 8 óńirinde karantın kúsheıtiledi

Almaty, Nur-Sultan qalasy jáne Aqmola, Aqtóbe, Qaraǵandy, Mańǵystaý, Pavlodar, Soltústik Qazaqstan oblystarynda karantındik shekteý sharalary kúsheıtiledi. Bul týraly óńirlerdiń bas sanıtar dárigerleri málimdedi.

Almaty qalasynyń bas sanıtar dárigeri Jandarbek Bekshın karantın sharalaryna ózgerister men tolyqtyrýlar engizdi.

Qaýlyǵa sáıkes:

• forým, konferenııa, otbasylyq, estelik is-sharalardy (banket, ýılený toı, mereıtoı, duǵa) jáne kóp jınalatyn ózge de ic-sharalardy, onyń ishinde úıde ótkizýge tyıym salynady;
• Naýryz jáne basqa da merekelik is-sharalar ótkizilmeıdi;
• muz aıdyndaryna barýǵa tyıym salynady;
• balalardy saýyqtyrý lagerleriniń qyzmetine tyıym salynady.

Atalǵan qaýly 13 naýryzdan bastap kúshine enedi.

Nur-Sultan qalasynyń bas sanıtar dárigeri S.S. Beısenova koronavırýs ınfeksııasyn aldyn alý úshin óz qaýlysyna jańa ózgerister men tolyqtyrýlar engizdi.

Bas sanıtar dárigerdiń qaýlysynda tómendegideı talaptar bar:

• oqýshylar sany 300-ge deıin kontıngenti bar, synyptarda 15-ten kóp emes bala sanymen qalalyq mektepterde dástúrli formatta oqytýǵa ruqsat etiledi;
• 2021 jylǵy 1 naýryzdan bastap jalpy bilim beretin mektepterde mektepaldy synyptardyń oqýshylary úshin, 1-den 5-synypty qosa alǵanda, halyqaralyq mektepterde 1-den 7-synypty qosa alǵanda, synyptarda 25-ke deıin bala sanymen aralas formatta oqytylady;
• oqý bitirýshi synyptar (9, 11 (12) synyptar)úshin aptanyń 6 kúni ishinde aralas formatta oqytýǵa: pánderdiń 70% - y shtattyq rejımde, 30%-y qashyqtyqtan (sanıtarııalyq-dezınfeksııalyq rejımdi, maskalyq rejımdi kúsheıtý, synypta 15 adamnan artyq emes, áleýmettik qashyqtyqty saqtaýmen, 1 synyp - 1 kabınet qaǵıdaty boıynsha oqytý);
• jabyq basseınderdiń jumysyn saýnalardy qatystyra otyryp, qatań túrde aldyn ala jazylý boıynsha, bir jolda bir kelýshiden qatań túrde bir ýaqytta bolýyn qamtamasyz ete otyryp, olar bolmaǵan kezde bir adamǵa 5 sharshy metr sý aınasyn esepteı otyryp, kúsheıtilgen sanıtarııalyq-epıdemııaǵa qarsy, sanıtarııalyq-profılaktıkalyq is-sharalardy saqtaýmen, jumys kestesin shtattyq rejımde belgileı otyryp uıymdastyrylady;
• SPA-ortalyqtarynyń, SPA-salondardyń, sondaı-aq massaj ortalyqtary men kabınetterdiń jumysyn (qatań túrde aldyn ala jazylý boıynsha) bir mezgilde 3 kelýshiden aspaıtyn massaj salonyna barýmen, kúsheıtilgen sanıtarııalyq-epıdemııaǵa qarsy, sanıtarııalyq-profılaktıkalyq is-sharalardy saqtaýmen, jumys kestesin shtattyq rejımde belgileı otyryp uıymdastyrylady;
• Kompıýterlik klýbtardyń jumysyn, tek qana «Ashyq» pılotyna qatysatyn kásipkerlik sýbektileri úshin, kelýshiler arasynda keminde 1,5 metr qashyqtyqty qamtamasyz ete otyryp nemese 1 kelýshige 4 sharshy metr esebinen, 50% - dan aspaıtyn tolymdylyǵyn saqtaǵan kezde, jumys kestesin jumys jáne demalys kúnderi saǵat 12.00-den 24.00-ge deıin belgileı otyryp ruqsat etý. Tek 18 jáne odan joǵary jastaǵy adamdarǵa ruqsat etiledi.

Aqmola oblysynyń bas sanıtar dárigeri A. Mýsına karantındik jańa shekteý sharalary 10 naýryz saǵat 00:00-den bastap kúshine enetinin eskertti.

Qaýlyǵa sáıkes:

• merekelik, oıyn-saýyq, kópshilik mádenı, sporttyq, bilim berý is-sharalardy, kórmelerdi, korporatıvti, forýmdardy, konferensııalardy, sondaı-aq otbasylyq, estelik is-sharalardy ótkizýge tyıym salynady;
• banket zaldarynyń qyzmetine tyıym salynady;
• kezekshi toptardy qospaǵanda, mektepke deıingi balalar mekemeleriniń qyzmeti toqtaıdy;
• kórermendermen birge sporttyq is-sharalardy ótkizge tyıym salynady;
• qalaaralyq, mıkroavtobýstardyń jumysyna ruqsat beriledi;
• mádenı jáne dinı obektilerdiń qyzmetine ruqsat beriledi.

Aqtóbe oblysy Hromtaý aýdany bas sanıtar dárigeri N.A. Berkımbaevanyń qaýlysy 9 naýryz saǵat 00:00-den bastap kúshine endi.

"Hromtaý aýdany turǵyndary arasynda koronovırýs ınfeksııasynyń aldyn alý jónindegi sharalardy kúsheıtý týraly" Aqtóbe oblysy Bas Memlekettik sanıtarııalyq dárigeriniń 2021 jylǵy 18 aqpanyndaǵy №PGSV-5 qaýlysynyń kúshi joıylsyn dep tanylsyn" delingen qujatta.

Qaraǵandy oblysyna qarasty Oktıabr aýdanynyń bas sanıtar dárigeri S. Á. Qyrǵyzalın karantın sharalaryna qatysty jańa qaýlysyn jarııalady.

Atalǵan qujatta Oktıabr aýdany aýmaǵynda shekteý sharalaryn qatańdatý týraly bas sanıtar dárigerdiń 19 aqpandaǵy №245 qaýlysyna ózgerister men tolyqtyrýlar engizildi.

• oıyn-saýyq mekemeleri men býkmekerlik keńselerdiń qyzmeti toqtaıdy;
• balalardy saýyqtyrý lagerleri, mektepke deıingi balalar uıymdarynyń jumysyna tyıym salynady;
• synypta balalar sany 15-ten aspaı qalalyq jáne aýyldyq mektepterde dástúrli formatta oqýǵa ruqsat etiledi.

Mańǵystaý oblysynyń bas sanıtar dárigeri  G. Nadýev koronavırýs ınfeksııasynyń taralýyn aldyn alý maqsatynda 06 naýryzdaǵy №3 qaýlysyna ózgerister men tolyqtyrýlar engizdi.

• 2020-2021 oqý jylynyń úshinshi toqsanynda kontıngenti 300-ge deıin, synyptardaǵy balalar sany 15 adamǵa deıin qalalyq jáne aýyldyq mektepterde dástúrli formatta oqýyna ruqsat etiledi;
• 9 naýryzdan bastap jalpy bilim beretin mektepterde 1-5 synypqa deıin qosa alǵanda, halyqaralyq mektepterde 1-7 synypty qosa alǵanda, synypta bala sany 25-ke deıin aralas formatta oqytýǵa ruqsat beriledi;
• bitirýshi synyptar (9, 10, 11) aptanyń 6 kúni aralas formatta oqıdy; (pánderdiń 70 paıyzy shtattyq rejımde, 30 paıyzy qashyqta oqıdy).

Pavlodar oblysynyń bas sanıtar dárigeri B. Álıev 11 naýryzda karantın sharalary týraly qaýlysyna ózgerister men tolyqtyrýlar engizdi.

Qaýly 15  naýryz saǵat 00:00-den bastap kúshine enedi.

Atalǵan qujatqa sáıkes:

• 300-ge deıin, synyptardaǵy balalar sany 15 adamǵa deıin qalalyq jáne aýyldyq mektepterde dástúrli formatta oqýyna ruqsat etiledi;
• jalpy bilim beretin mektepterde 1-5 synypqa deıin qosa alǵanda, halyqaralyq mektepterde 1-7 synypty qosa alǵanda, synypta bala sany 25-ke deıin aralas formatta oqytýǵa ruqsat beriledi;
• bitirýshi synyptar (9, 10, 11) aptanyń 6 kúni aralas formatta oqıdy; (pánderdiń 70 paıyzy shtattyq rejımde, 30 paıyzy qashyqta oqıdy).

Soltústik Qazaqstan oblysynyń bas sanıtar dárigeri Á. Jumataev 2021 jyldyń 1 aqpandaǵy №6 qaýlysynda:

Bas sanıtar dáriger toptastyrýmen is-sharalar ótkizbesten, ata-analary men erip júretin tulǵalardy qabyldamaı, mektepke deıingi uıymdardyń qyzmetine ruqsat beriletinin atap ótti.

2020-2021 oqý jylynyń úshinshi toqsanynda:

• 300 oqýshyǵa deıingi kontıngenti bar qalalyq jáne aýyldyq mektepterde dástúrli formatta oqytylady, balalar sany 15 adamnan aspaı;
• 2021 jyldyń 1 naýryzynan bastap jalpy bilim beretin mektepterde
  mektep aldy synyptarynyń oqýshylary, 1-den 5-ke deıingi synyptardy qosa alǵanda, halyqaralyq mektepterde - 1-den 7-ge deıingi synyptardy qosa alǵanda, synyptardaǵy balalar sany 25 adamnan kóp bolmaıtyn jaǵdaıda oqytylady;
• bitirýshi synyptar (9, 11 (12) synyptar) úshin sabaqtary aptanyń 6
  kúnindegi aralas oqytý: 70% pánder kádimgi rejımde, 30% - qashyqtyqta oqıdy; (synypta 15 adamnan kóp emes), "1 synyp-1 kabınet" qaǵıdaty boıynsha oqytý, sanıtarııalyq-dezınfeksııalyq jáne betperde rejımderin saqtaý);
• bilim berý uıymy ákimshiliginiń sheshimi boıynsha oqýshylardy sabaqtan tys ýaqytta 15 adamnan aspaıtyn toptarda jeke oqytylady.

Osy qaýly qol qoıylǵan kúninen bastap kúshine enedi.