• USD 424.85

  • EUR 504.21

  • RUB 5.84

  • CNY 65.86

19 Qańtar, 18:03:02
Almaty

Premer-mınıstr Asqar Mamınniń tóraǵalyǵymen ótken úkimet otyrysynda bilim berý salasyn jetildirýdiń júıeli máseleleri qaraldy, dep habarlady primeminister.kz saıty.

Aqparattyq habarlamada 2024 jylǵa qaraı pedagogtardyń jalaqysy men stýdentterdiń shákirtaqysy 2 esege ulǵaıatyny, 800 jańa mektep salynyp, 5000 aýyl mektebi jańǵyrtylatyny aıtylady.

"Kolledjderde 9-synyp negizinde oqý tolyǵymen tegin bolady. Kolledjderdi bızneske senimdi basqarýǵa berý tájirıbesi jalǵasady. Ýnıversıtetterdiń bilim berý baǵdarlamalary kásiptik standarttar negizinde 100% jańartylady. Otandyq 20 jetekshi JOO óńirlerdiń ósý nysanasyna aınalady. Nazarbaev ýnıversıtetiniń tájirıbesi boıynsha ınnovasııalar men jańa tehnologııalardy damytýmen aınalysatyn eki ozyq JOO qurylatyn bolady. Joǵary bilimniń qoljetimdiligin arttyrý úshin 2025 jylǵa deıingi granttar sany 50%-ǵa artady. Jyl saıyn jas ǵalymdarǵa 1000 grant bólinedi, al 500 qazaqstandyq ǵalym álemniń tanymal ǵylymı ortalyqtarynda taǵylymdamadan óte alady.

О́ńir ákimdikterine jeke balabaqshalar jelisin damytý esebinen 2021 jyly 32 myń orynǵa deıin mektepke deıingi bilim berý oryndaryn ashýdy qamtamasyz etý, 200 jańa mektepti paıdalanýǵa berý, sondaı-aq qalalyq jáne aýyldyq mektepterdegi oqytý jaǵdaılaryn teńestirý, onyń ishinde aýyldyq jerlerde joǵary bilikti pedagogtardy bekitý boıynsha naqty sharalar qabyldaý tapsyryldy" delingen úkimet otyrysynyń barysynan ázirlengen habarlamada.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir