Aqmola oblysynyń bas sanıtar dárigeri A. Mýsına karantın sharalaryn jeńildetý týraly jańa qaýly jarııalady.

"Oblystyń bas sanıtar dárigeriniń 2021 jylǵy 24 aqpandaǵy №9 qaýlysyna ózgerister men tolyqtyrýlar engizilsin" delingen qujatta.

Atalǵan qujatqa sáıkes, 2020-2021 oqý jylynyń III toqsanynda óńirdegi bilim berý oryndarynda birqatar karantın jeńildikteri qarastyrylǵan.

Oblystyq bas sanıtar dárigerdiń qaýlysynda:

  • oqýshylar sany 300-ge deıin kontıngenti bar, synyptarda 15-ten kóp emes bala sanymen qalalyq jáne aýyldyq mektepter dástúrli formatta oqytylady;
  • 2021 jyldyń 1 naýryzynan bastap jalpy bilim beretin mektepterde mektep aldy synyptardyń, 1 synyptan 5 synypqa deıin qosa alǵanda, halyqaralyq mektepterde 1 synyptan 7 synypqa deıin qosa alǵanda, synyptarda 25-ke deıin bala sanymen oqýshylar aralas formatta oqytylady;
  • bitiretin synyptar (9, 11 (12) synyptar) úshin aptanyń 6 kúni ishinde aralas formatta oqytýǵa: pánderdiń 70 paıyzy shtattyq rejımde, 30 paıyzy qashyqtyqtan oqytylady;
  • synypta 15 adamnan artyq emes, "1 synyp - 1 kabınet" qaǵıdaty boıynsha oqytý kezinde sanıtarııalyq-dezınfeksııalyq jáne maska rejımderi saqtalýǵa tıis;
  • bilim berý mekemesi ákimshiliginiń sheshimi boıynsha sabaqtan tys ýaqytta 15 adamnan aspaıtyn toptarda oqýshylardy jeke oqytýǵa ruqsat beriledi.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir