09 Naýryz, 2021 NEWS
Kórneki sýret
Prezıdent Qasym-Jomart Toqaevtyń Jarlyǵyna sáıkes eldiń 2025 jylǵa deıingi damýynyń ulttyq jospary bekitildi, dep habarlady Ulttyq ekonomıka mınıstrligi.
Mınıstrlik taratqan aqparattyq habarlamada jospar halyqtyń ómir súrý sapasy men ál-aýqatyn arttyrýǵa baǵyttalǵan túbegeıli ınstıtýsıonaldyq jáne salalyq reformalar úshin negiz bolatyny aıtylady.
"Densaýlyq saqtaý men bilim berý qyzmetterin jaqsartýǵa, ınfraqurylymdy damytýǵa, nátıjeli jumyspen qamtýǵa jáne halyqtyń áleýmettik ál-aýqatyn arttyrýǵa erekshe nazar aýdarylatyn bolady.
Jalpyulttyq basymdyqtar (JUB) úsh túıindi baǵyt boıynsha 10 naqty mindetti bildiredi: azamattardyń ál-aýqaty, ınstıtýttardyń sapasy jáne kúshti ekonomıka qurý.
Áńgime jaqyn keleshekte reformalar júzege asyrylatyn on baǵyt týraly bolyp otyr: ádil áleýmettik saıasat, densaýlyq saqtaýdyń qoljetimdi jáne tıimdi júıesi, sapaly bilim berý, azamattardyń múddelerin qorǵaýǵa arnalǵan ádil jáne tıimdi memleket, memlekettik basqarýdyń jańa modeli, patrıotızm qundylyqtaryn dáripteý, ulttyq qaýipsizdikti nyǵaıtý, ártaraptandyrylǵan ınnovasııalyq ekonomıka qurý, ekonomıkalyq jáne saýda dıplomatııasyn belsendi damytý jáne teńgerimdi aýmaqtyq damý" delingen aqparattyq habarlamady.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir