• USD 468.56

  • EUR 497.56

  • RUB 7.3

  • CNY 67.18

29 Naýryz, 12:49:57
Almaty
+35°

B. Saǵyntaev jańadan qosylǵan yqshamaýdandardaǵy joldar men sýmen jabdyqtaý jelileri qurylysynyń barysyn tekserdi

 Almaty qalasynyń ákimi Baqytjan Saǵyntaev jumys sapary kezinde megapolıske jańadan qosylǵan yqshamaýdandardaǵy ınjenerlik kommýnıkasııalardyń, joldardyń jáne áleýmettik nysandardyń qurylysymen tanysty.

Qala ákimi óziniń Instagram-daǵy akkaýntynda Álmerek, Nurshashqan jáne Qaırat yqshamaýdandaryndaǵy sýmen jabdyqtaý jáne sý burý júıesimen tolyqtaı qamtamasyz etiletin ınjenerlik jelilerdiń qurylysy jaqyn arada aıaqtalatyny týraly jazdy.

«Atqarylǵan jumystyń sapasyn tekseremiz. Ol úshin bizge kóshelerdiń kúıine alańdaýly jergilikti belsendi turǵyndar kómektesedi. Jańa jol salý, jol jóndeý jumystary kóktemde bastalady. Bul jumysty aldaǵy eki jylda aıaqtaýdy josparlap otyrmyz», - dep jazdy B. Saǵyntaev.

Almaty qalasynyń baspasóz qyzmeti
Sondaı-aq, Almaty ákimi №195 mektepti keńeıtý josparlarymen, Álmerek yqshamaýdandaǵy dárigerlik ambýlatorııa men mádenı-sport kesheniniń qurylysymen tanysty. Aǵymdaǵy jyly №59 mekteptiń oqýshy orny ulǵaıtylyp, qaıta jóndeý bastalady. Seıfýllın jáne Oqýshylar úıiniń janyndaǵy jalpyǵa ortaq skverlerdi jóndeý josparlanýda. Erjanov kóshesinen Shaskıı kóshesine deıin, temirjol joldarynyń qıylysynda, jaıaý júrginshilerge arnalǵan ótkel salý múmkindigi qarastyrylýda.

О́tken jyly «Jumyspen qamtýdyń jol kartasy» aıasynda Saýranbaev kóshesinde yńǵaıly oryndyqtary bar jaıaý júrginshiler aımaǵy, ár túrli jastaǵy balalarǵa arnalǵan oıyn jáne sport alańdary salyndy.

«Serýen men demalys aımaǵyna aınalǵan «Arbat» aýdannyń kórikti, al turǵyndardyń eń súıikti orny. Quqyqtyq tártipti saqtaý úshin munda modýldik polısııa beketin qoıýdy tapsyrdym», - dep habarlady B. Saǵyntaev.

Almaty qalasynyń baspasóz qyzmeti

Eske salsaq, joldardy, kóshe jaryqtaryn, ınjenerlik kommýnıkasııalardy salý «Jańa Almaty» jańadan qosylǵan aýmaqtardy keshendi damytý josparyna sáıkes júzege asyrylýda.

Atap aıtqanda, Túrksib aýdanynyń Álmerek shaǵynaýdanynda birinshi kezeńde 852 úı sý qubyry jelisine qosylady. Joba mamyr aıynda aıaqtalady, sodan keıin qalǵan 261 úıge jeliler salýdyń ekinshi kezeńi qarastyrylady. Sondaı-aq, kóktemde joldardy jóndeý jáne salý jumystary bastalady. 54 kósheniń ishinde uzyndyǵy 5,9 km bolatyn 8-inde ǵana asfaltbeton bar, qalǵan 46-sy 14,6 shaqyrymy topyraqty jol.

Nurshashqan yqshamaýdanynda 836 úıdiń barlyǵy derlik sýmen jabdyqtaý jáne sýdan burý jelilerne qosylady, olardyń qurylysy osy jyldyń jazyna deıin aıaqtalady dep josparlanǵan. Joldardy salý jáne jóndeý jumystary kóktemde bastalady. Aldaǵy eki jylda uzyndyǵy 16,6 km bolatyn 5 kóshedegi jumystardy aıaqtaý josparlanýda. Onyń ishinde uzyndyǵy 5,1 km bolatyn 25 kóshe asfalttalmaǵan.

Qaırat yqshamaýdanynda 1292 úıdiń barlyǵy derlik ortalyqtandyrylǵan sýmen jabdyqtaý jáne sýdan burý júıesine qosylatyn bolady. Qurylysty jazdyń basynda aıaqtaý josparlanǵan. Joldardy jóndeý jáne salý jumystary kóktemde bastalady. Uzyndyǵy 36,6 km bolatyn 93 kóshe bar, onyń ishinde 78 kóshedegi uzyndyǵy 29,3 km jol topyraqty. Jobany eki jyl ishinde aıaqtaý josparlanǵan.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir