Marsqa qonǵan rover qysqa aralyqqa júre bastady

NASA-nyń "Perseverance" dep atalatyn roveri Qyzyl ǵalamsharǵa qonyp, eki aptadan keıin qysqa aralyqqa júre bastady. Bul týraly mıssııa menedjerleri jarııalady.

Avtokólik kólemindegi alty dóńgelekti zond 6,5 metrge qozǵaldy. Rover Marstyń Djezero kraterindegi ejelgi kól tabany men ózen atyrabynda jarty saǵattyq synaq júrgizip, jaqyn qashyqtyqqa qozǵaldy.

Los-Andjeleske jaqyn NASA-nyń "Jet Propulsion Laboratory (JPL)" mıssııasynyń menedjerlerinen nusqaý alyp, rover 4 metr alǵa júrip, solǵa qaraı 150 gradýsqa burylyp, keıin taǵy 2,5 metr artqa qaraı júrdi.

– Bul – óte jaqsy. Bul –úlken kezeń, – dedi JPL mobıldilikti testileý ınjeneri Anaıs Zarıfıan.

NASA jarııalaǵan fotodan Mars betindegi dóńgelektiń izin kórýge bolady.