Qaraǵandyda jol apatynan 3 adam qaıtys boldy

Qaraǵandy oblysynyń Shet aýdanynda bolǵan jol apatynan úsh adam qaıtys boldy, dep habarlady Astanatv.kz arnasy.

Qaıǵyly oqıǵa Aqsý-Aıýly aýylynyń tusynan ótetin "Almaty-Ekaterınbýrg" tas jolynyń boıynda bolǵan. "GAZel" men avtobýs soǵylǵan. Jolaýshylar kóligi Nur-Sultannan Tarazǵa bet alǵan.

Jol saqshylarynyń aıtýynsha, júk kóliginiń  júrgizýshisi joldyń qarsy betine shyǵyp ketip, avtobýsqa soqtyǵysqan. Saldarynan úsh adam qaza boldy. Qalaaralyq baǵyttaǵy avtobýstyń jolaýshylary aman.

Qazir atalǵan oqıǵa boıynsha qylmystyq is qozǵaldy.