Jambyl oblysy Sarysý aýdanynyń ákimi qyzmetinen bosatyldy. Bul týraly oblys ákimdiginiń resmı saıty málimdedi.

"Qazaqstan Respýblıkasy Prezıdenti Ákimshiliginiń kelisimi boıynsha Jambyl oblysy ákiminiń ókimine sáıkes, Jaqsylyqov Baqytjan Alpysuly Sarysý aýdany ákiminiń qyzmetinen bosatyldy" delingen resmı saıt taratqan habarlamada.

Baqytjan Alpysuly 2020 jyly Sarysý aýdanynyń ákimi bolyp taǵaıyndalǵan bolatyn. 

Eske sala keteıik,  19 aqpanda Sarysý aýdanynyń ortalyǵy Jańatas qalasynda 5 qabatty turǵyn úıdiń 3-shi qabatynda órt bolǵan. Páter ishinde ata-ananyń qaraýynsyz kámelet jasyna tolmaǵan 2015, 2016, 2017, 2019 jáne 2020 jyldary týǵan 5 bala qalǵan.

О́rt bolǵan ýaqytta úıdiń otaǵasy jumysta bolǵany, al anasy dúkenge shyǵyp ketkeni habarlandy. Tútinge ýlanǵan balalar jedel túrde aýrýhanaǵa jetkizilgenimen, araǵa biraz ýaqyt salyp kóz jumǵan.

"Qamshy" silteıdi
Ilmek sózder: Jambyl Sarysý

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir