"Kúızelispen qabyl aldym". Toqaev Túrkııa prezıdentine kóńil aıtty

Prezıdent Qasym-Jomart Toqaev Túrkııa prezıdenti Redjep Taııp Erdoǵanǵa kóńil aıtý jedelhatyn joldady, dep habarlady Aqorda saıty.

Toqaev "Kýgar" áskerı tikushaǵynyń apatqa ushyrap, birneshe adamnyń qaza bolýyna baılanysty Túrkııa Prezıdenti Redjep Taııp Erdoǵanǵa Qazaqstan halqynyń jáne jeke óziniń atynan kóńil aıtty.

"Túrkııanyń shyǵysyndaǵy Bıngıol aımaǵynda apatqa ushyraǵan "Kýgar" áskerı tikushaǵynda qurban bolǵan jáne zardap shekkender týraly aqparatty tereń kúızelispen qabyl aldym. Osyndaı aýyr sátte qaıǵy-qasiretterińizge ortaqtasyp, barsha qazaqstandyqtardyń jáne jeke óz atymnan Sizge, sondaı-aq, baýyrlas túrik halqyna qaıǵyra kóńil aıtamyn. Alla taǵaladan qaza bolǵandardyń jandary jánnatta bolýyn, jaralanǵandardyń tez arada saýyǵyp ketýin tileımin" dep jazylǵan jedelhatta.

Eske sala keteıik, 4 naýryzda Túrkııanyń shyǵysynda áskerı tikushaq qulap, 11 adam qaıtys boldy. Aldyn ala boljam boıynsha apat aýa raıynyń kenetten nasharlaýy sebep bolǵan.