1 naýryzda Qazaqstan saýda jáne ıntegrasııa vıse-mınıstri Qaırat Tórebaev pen Qytaı kommersııa vıse-mınıstri Van Shoýven kezdesti. Bul týraly saýda jáne ıntegrasııa mınıstrliginiń baspasóz qyzmeti habarlady.

Vedomstvo málimetinshe, qos tarap Qazaqstan-Qytaı "Qorǵas" shekara mańy yntymaqtastyǵy halyqaralyq ortalyǵynyń qyzmetin úılestirý tetiginiń 2-otyrysyna daıyndyq boıynsha kelissózder júrgizgen.

Qaırat Tórebaev Qazaqstan men Qytaıdyń saýda-ekonomıkalyq qatynastary qarqyndy sıpatqa ıe ekenin atap ótken.

– Qytaı Qazaqstannyń eń iri ınvestorlarynyń bestigine kiredi. Qazaqstanǵa quıylǵan barlyq ınvestısııanyń 4,7 paıyzyn quraıdy. 2005-2020 jyldar aralyǵynda Qytaı Qazaqstanǵa 19,2 mlrd dollar ınvestısııa quıdy.

Indýstrııalyq-ınvestısııalyq yntymaqtastyq baǵdarlamasy aıasynda 24,5 mlrd dollarǵa 56 zamanaýı kásiporyn salý josparlanyp otyr. Bul nysandardyń basym bóligi 2023 jylǵa qaraı aıaqtalady dep kútilýde, – dedi Qaırat Tórebaev.

Onyń aıtýynsha, qazirgi ýaqytta "Qorǵas" shekara mańy yntymaqtastyǵy halyqaralyq ortalyǵynyń Qazaqstan aýmaǵynda jalpy somasy 110,37 mlrd teńgege 29 ınvestısııalyq jobany iske asyrý boıynsha 24 ınvestısııalyq kompanııa óz qyzmetin júzege asyryp jatyr. Shamamen 30 000 sharshy metri paıdalanýǵa berildi, 1 joba 100 paıyzǵa iske asyryldy. 12 joba boıynsha qurylys jumystary júrgizilýde, al qalǵandary jobalanyp jatyr.

"Qamshy" silteıdi
Ilmek sózder: Qazaqstan Qytaı

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir