Qarjy mınıstrligi apparatyna jańa basshy keldi

Abzal Beısenbekuly qarjy mınıstrligi apparatynyń basshysy qyzmetine taǵaıyndaldy. Bul týraly premer-mınıstrdiń baspasóz qyzmeti habarlady.

"QR qarjy mınıstriniń buıryǵymen Abzal Beısenbekuly qarjy mınıstrligi apparatynyń basshysy qyzmetine taǵaıyndaldy" delingen habarlamada.

Abzal Beısenbekuly 1985 jyly Jambyl oblysynda dúnıege kelgen.

M. H. Dýlatı atyndaǵy Taraz memlekettik ýnıversıtetin, Nottıngem ýnıversıtetin, Taraz ınnovasııalyq-gýmanıtarlyq ýnıversıtetin bitirgen. Mamandyǵy boıynsha biliktiligi — ekonomıst, memlekettik saıasat salasyndaǵy gýmanıtarlyq ǵylymdar magıstri, quqyq bakalavry.

Eńbek jolyn 2007 jyly bilim jáne ǵylym mınıstrliginiń ǵylym komıtetinde jetekshi maman mindetin atqarýshy qyzmetinen bastaǵan.

2008-2010 jyldary ekonomıka jáne bıýdjettik josparlaý mınıstrliginiń Áleýmettik salany damytý departamenti bilim jáne ǵylymdy damytý basqarmasynyń sarapshysy bolyp jumys istedi.

2010-2011 jyldary qarjy mınıstrliginde jumys istedi.

2011-2019 jyldary prezıdent ákimshiliginde túrli laýazymdarda qyzmet atqardy.

2019 jylǵy sáýir-qyrkúıek aılarynda "Jasandy zerde salasyndaǵy zertteýler men ázirlemelerdi qoldaý qory" KQ basqarma tóraǵasy bolyp jumys istedi.

2019 jylǵy qazan aıynan qazirgi ýaqytqa deıin jeke menshik sektorda basshylyq qyzmetter atqardy.