Prezıdent Qasym-Jomart Toqaev "Áıelderdiń ekonomıkalyq múmkindikterin keńeıtý jónindegi sharalar men quraldar" atty konferensııaǵa qatysýshylarǵa beıneúndeý joldady.

– Áıelderdiń qoǵamdaǵy rólin keńeıte túsý – memleketimizdiń aldynda turǵan negizgi mindettiń biri. Osyǵan oraı, naqty sharalar qolǵa alyndy. Qazir basshylyq qyzmettegi áıelderdiń qatary kóbeıip keledi. Parlamentte sizder úshin arnaıy kvota berildi.

Sondaı-aq kásipkerlik bastamalaryńyzdy qoldaý úshin birqatar jobalar júzege asyryldy. Sonyń arqasynda elimizdegi shaǵyn jáne orta bıznes salasynda eńbek etetin áıelderdiń úlesi 43 paıyzdan asty. Jeke kásipkerlerdiń teń jartysynan kóbi – ózderińiz sııaqty qyz-kelinshekter. Biz elimizdiń damýyna belsene atsalysyp júrgen osyndaı isker arýlarymyzǵa jan-jaqty qoldaý kórsetemiz. Taıaýda áıelder kásipkerligin jandandyrý maqsatymen elimiz boıynsha 17 ortalyq ashyldy. Osy ortalyqtar sizderdiń bıznestegi jańa ıdeıalaryńyzdy iske asyrý úshin jumys júrgizetin bolady. Onyń barlyǵy áıelderdiń el ekonomıkasyndaǵy rólin arttyrýǵa tyń serpin beredi dep senemin. 

Bizdiń aldymyzda turǵan negizgi mindet – áıelderge udaıy qoldaý kórsetý, olardyń damýyna jan-jaqty jaǵdaı jasaý. Osy oraıda, Elbasynyń bastamasymen qabyldanǵan 2030 jylǵa deıingi otbasylyq jáne genderlik saıasat tujyrymdamasynyń máni erekshe. Bul mańyzdy qujat osy baǵyttaǵy jumysymyzǵa aıryqsha serpin berip otyr. Búgingi tańda jeke kásibin dóńgeletip, tabysqa jetken arýlarymyz az emes. Shaǵyn jáne orta bıznesti meńgergen qyz-kelinshekter de kóp, – dedi Toqaev.
 
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir