• USD 468.56

  • EUR 497.56

  • RUB 7.3

  • CNY 67.18

29 Naýryz, 17:53:12
Almaty
+35°

bilim jáne ǵylym salasyndaǵy sapany qamtamasyz etý komıtetiniń tóraıymy Gúlzat Kóbenova joǵary oqý oryndarynda qashyqtan oqytý kezinde sabaq ótpeı, stýdentter sabaqqa qatyspaı emtıhan tapsyryp baǵa alsa, qandaı shara qoldanylatynyn aıtty.

– JOO-da jemqorlyqqa qarsy biraz sharalar qabyldandy. Sonyń ishinde normatıvtik-quqyqtyq qujattardyń ishinde de belgilendi. Eń bastysy joǵary oqý oryndarynda adaldyq-akademııalyq qaǵıdalary saqtalýy kerek. Sol kezde ǵana oqý úlgerimi de jaqsy bolady. Stýdentter sabaqqa da qatysyp, emtıhandaryn da ýaqytyly tapsyrady. 

Búginde oqý prosesi sıfrlandyrylyp jatyr. Sondyqtan eki esege deıin jaýapkershilik arta túsedi. Stýdentter de oqýǵa mindetti bolady. Bıyl jemqorlyqqa qarsy tapsyrma berildi. Eger de sabaqqa qatyspaı emtıhan tapsyryp baǵa alý faktisi anyqtalsa, zań júzinde qarastyrylyp, ýnıversıtet lısenzııasynan aıyrylady, – dedi G. Kóbenova. 

Sondaı-aq bilim jáne ǵylym vıse-mınıstri Sholpan Karınova mektep oqýshylarynyń aralas oqytý formatyna kóshýine baılanysty mektep formasy máselesin túsindirdi.

– Ata-analardy mazalap jatqan taǵy bir úlken másele – mektep formasy. Osy oqý jylynyń basynda tıisti buıryq shyǵarylyp, tolyq oqý jylynda mektep formasyn saqtamaý boıynsha ustanym qabyldanǵan bolatyn. Oqýshylardyń aralas formatqa aýysýyna baılanysty taǵy qaıtalap aıtamyz, mektep formasyn satyp alýdyń qajeti joq. Oqýshylar ózderine laıyqty, taza, uqypty kıimmen mekteptegi sabaqtarǵa qatysa alady, – dedi vıse-mınıstr.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir