WhatsApp pen Instagram jańa qyzmet iske qospaq

WhatsApp messendjeri men Instagram áleýmettik jelisi jańa fýnksııa engizbek.

WhatsApp-ta endi paıdalanýshylar vıdeony statýsqa qoıǵanda jáne bireýge jibergen kezde vıdeo daýsyn óshire alady. Jańa qyzmet ázirge Android smartfondarǵa ǵana qoljetimdi bolmaq.

Al Instagram tórt adamǵa deıin tikeleı efır júrgizýge bolatyn Live Rooms qyzmetin iske qosady. Kompanııa jańa qyzmet shyǵarmashylyq múmkindikterge keńinen jol ashyp, tok-shoý, toptyq nomerler men master-klasstar ótkizýge yńǵaıly bolatynyn aıtýda.

Buǵan deıin WhatsApp qoldanýshylarynyń derekteri Facebook-ke ketetini habarlanǵannan keıin jeli qoldanýshylarynyń sany azaıǵan. 

Sondaı-aq sońǵy ýaqytta Clubhouse áleýmettik jelisi keńinen tarala bastaǵan. Ol jerde qoldanýshylar dybystyq habarlamalar arqyly konferensııa rejıminde sóılese alady.