Foto: Ashyq derekkóz
Zańger, advokat Abzal Quspan belsendilerdiń jeke basyna tıispeı, eldik máselede olardy qoldaýǵa, qoldaý qoldan kelmese, olar týraly negatıv sózder aıtyp, jaǵymsyz obraz qalyptastyrmaýǵa shaqyrdy.
Dostar! Anaý satqyn, mynaý satqyn degen áńgimeden sharshaǵan joqsyzdar ma? Osy áńgimelerdi taratýǵa kim múddeli ózi? Aramyzda satqyn atanbaǵan bir adam qaldy ma? Keshe ǵana túrmeden shyqqan Maksty da satqyn qylyp úlgerdik?! Jaraıdy, bul suraqtarda talaıdan beri aıtylyp kele jatqan, ábden tizesi shyqqan másele. Meniń aıtqym kelip otyrǵany, ózim qoǵamdyq negizde qolǵa alǵan bir-eki is tóńireginde bolmaq. Ol ister el bolyp birge jumylatyn, bárimizge ortaq taqyryp bolýǵa tıis ister dep esepteımin.
1. Orys-qazaq máselesinde, qazaq máselesin kótergeni úshin qazaq bıligimen isti bolyp, qamaýǵa alynǵan Marǵulan Boranbaıdy qorǵaý.
2. Qazaq-dúngen qaqtyǵysynda isti bolyp, keıin túrmede belgisiz jaǵdaıda kóz jumǵan marqum Kıbaev Bekboldyń ólimi.
3. Almatydaǵy ishki ister akademııasynda óz-ózine qol jumsap ólgen kýrsant Salamat О́tegenovtyń ólimi.
Bul máselelerdi Siz qoldańyz, eger qoldamasańyz, tym qurysa artqa tartpaı, ártúrli sózge ermeı, ósek-aıań taratpaı tynysh otyrsańyzdar degen tilek. Al jalpy jeke basqa tıisip, únemi synap-minep otyratyndarǵa óz basym áldeqashan etim ólip ketken, nazar aýdarmaımyn. Degenmen eldik másele degen bolady, joǵaryda aıtylǵandar, sol el bolyp kóteretin máselege jatady, sony aıtqym kelgeni" deıdi advokat.
Oqı otyryńyz!
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir