Foto: Mańǵystaý oblysy ákiminiń baspasóz qyzmeti
Amanǵalı Nurdáýletov Mańǵystaý oblysy ishki saıasat basqarmasynyń basshysy bolyp taǵaıyndaldy. Bul týraly Mańǵystaý oblysy ákiminiń baspasóz qyzmeti habarlady.
"Qazaqstan Respýblıkasy prezıdent ákimshiliginiń kelisimimen, Mańǵystaý oblysy ákiminiń ókimimen Mańǵystaý oblysy ishki saıasat basqarmasynyń basshysy bolyp Amanǵalı Nurdáýletov taǵaıyndaldy" delingen habarlamada.
Amanǵalı Súleımenuly 1981 jyly Mańǵystaý oblysynda týǵan. Bilimi joǵary. 2000 jyly – Aqtaý shet tilder kolledjinde aǵylshyn tili muǵalimi, referant – aýdarmashy, 2006 jyly – E.A.Bóketov atyndaǵy Karaǵandy memlekettik ýnıversıtetinde zańger mamandyǵy boıynsha bilim alǵan.
Eńbek jolyn Aqtaý qalasy ákimi apparatynyń is júrgizýshi mamandyǵynan bastaǵan. Keıin qalalyq ákim apparatynda bas maman, jetekshi mamandyǵy boıynsha jalǵastyrǵan. 2010 jyly Munaıly aýdany ákimi apparatynyń Memlekettik –quqyq bóliminiń bastyǵy, 2012 jyly Aqtaý qalasy boıynsha sýdan kutqarý kyzmetiniń basshysy, 2016 jyly Fort-Shevchenko qalasynyń ákimi, 2018 jyly Jastar saıasaty jónindegi basqarma basshysy, 2019 jyly oblystyq Mádenıet basqarma basshysynyń orynbasary qyzmetterin atqarǵan.
2019 jyldan beri osy ýaqyt aralyǵynda Jańaózen kalasy ákiminiń orynbasary laýazymynda bolǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir