• USD 468.56

  • EUR 497.56

  • RUB 7.3

  • CNY 67.18

29 Naýryz, 04:48:05
Almaty
+35°

"Borat-2" fılmi "Altyn Globýs" júldesin ıelendi. Bul týraly "Altyn globýstyń" Twitter-degi resmı paraqshasy habarlady.

"Borat-2" fılmi úzdik komedııa nemese mıýzıkl nomınasııasy boıynsha "Altyn Globýs" syılyǵynyń ıegeri atandy.

Fılmdegi basty róldi somdaǵan akter – Sasha Baron Koen "Mıýzıkldegi nemese komedııadaǵy eń úzdik ról" nomınasııasyn jeńip aldy.

"Borat" – eki bólimnen turatyn komedııa janryndaǵy týyndy. Fılmniń alǵashqy bólimi 2006 jyly shyqqan. Fılm jelisi boıynsha rejısser ári bas keıipkerdi somdaǵan Sasha Baron qazaqstandyq jýrnalıst Borattyń ómirin, sol arqyly Qazaqstandy órkenıet kóshinen qalǵan etip kórsetedi. Fılm Qazaqstanda úlken shý týdyrǵannan keıin el aýmaǵynda kórsetýge tyıym salynǵan.

Sasha Baron Koenniń ózi fılmde Qazaqstan men shyn eldiń arasynda ortaq eshteńe joq ekenin málimdegen.

"Men Qazaqstandy Amerıkada eshkim bilmeıtindikten tańdadym. Bul bizge jabaıy, komedııalyq jáne jalǵan álem jasaýǵa múmkindik berdi. Shynaıy Qazaqstan – qoǵamy zamanaýı ári maqtanýǵa turarlyq keremet el. Borattyń qarama-qarsy nusqasy" degen bolatyn akter.

"Qamshy" silteıdi
Ilmek sózder: Borat-2

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir