Prezıdent Qasym-Jomart Toqaev qazaqstandyqtardy alǵys aıtý kúnimen quttyqtady. Bul týraly Aqorda saıty habarlady.

"Qurmetti otandastar! Sizderdi alǵys aıtý kúnimen shyn júrekten quttyqtaımyn!

Elbasy 2015 jyly Qazaqstan halqy Assambleıasynyń sessııasynda jarııalaǵan osy aıtýly merekeniń máni tereń, mańyzy erekshe.

Bul kúni halqymyzdyń bir-birine ózara qamqorlyǵy, myzǵymas bereke-birligi men yntymaǵy keńinen dáripteledi.

Biz osy qundylyqtardyń arqasynda memlekettigimizdi jańǵyrtyp, túrli syn-qaterden súrinbeı óttik. Qazir Táýelsizdigimizdiń 30 jyldyq belesin áleýmettik-ekonomıkalyq saladaǵy jáne halyqaralyq deńgeıdegi tolaǵaı tabystarmen qarsy alǵaly otyrmyz.

Búginde azamattarymyz egemen elimizdi damytýǵa, qasterli qazaq jerindegi beıbitshilikti, tatýlyq pen kelisimdi nyǵaıtýǵa ólsheýsiz úles qosýda.

Men barshańyzǵa Otanymyzdyń órkendeýi jolynda sińirgen jasampaz eńbekterińiz úshin alǵys aıtamyn.

Biz birtutas jáne eńbekqor ult bolsaq, kózdegen maqsattarymyzǵa jetemiz. Bárimiz birge ádiletti qoǵam quryp, memlekettiligimizdi ornyqtyra túsemiz dep senemin.

Barshańyzǵa zor densaýlyq, baq-bereke jáne mol ıgilik tileımin!" delingen resmı saıt taratqan habarlamada.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir