Aqtaýda eki turǵyn jándikterdi ýlaǵannan keıin qaıtys boldy

Aqtaýda eki adam kórshisi jándikterdi ýlaǵannan keıin qaıtys boldy. Bul týraly Mańǵystaý oblysynyń qoǵamdyq kommýnıkasııa ortalyǵy habarlady.

Ortalyq málimetinshe, Aqtaý qalasynyń turǵyny "Kvıkfos" preparatymen (jándikterge qarsy preparat) kórshilerine eskertpesten óz páterin dezınfeksııalaǵan.

"Páterin zalalsyzdandyryp bolǵan soń, úıin kilttep basqa shaǵynaýdanǵa ketken. Keıin kórshileriniń densaýlyǵy nasharlaı bastaǵan. Saldarynan kórshi áıel men qyzy kóz jumdy" delingen habarlamada.

Sondaı-aq taǵy 6 adam shuǵyl túrde aýrýhanaǵa jatqyzylǵan. 

Atalǵan is boıynsha sot-medısınalyq saraptama taǵaıyndaldy. Osy fakt Aqtaý qalasynyń polısııa basqarmasyna qylmystyq kodekstiń 304-baby 3-bólimine sáıkes tirkeldi.

Qazirgi tańda Aqtaý qalasynyń polısııa basqarmasy páterin dezınfeksııalaǵan turǵynnyń jeke basyn anyqtady. Qylmystyq is boıynsha sotqa deıingi tergeý júrip jatyr.