"Dempartııa" ókilderi 8 saǵattan beri qorshaýda tur. Belsendi Dostııarovty polısııa ustady

Mıtıngke shyqqan Demokratııalyq partııa bastamashyl tobynyń músheleri Almatydaǵy Balýan Sholaq atyndaǵy sport saraıynyń mańynda arnaıy jasaq qorshaýynda turǵanyna 8 saǵattan asty.

Polıseıler belsendi Abzal Dostııarovty ustap alyp ketkeni habarlandy.

Narazy top sport saraıynyń aldynan Respýblıka alańyna qaraı júrip ótpek bolǵan. Biraq Abaı men Baıtursynov kósheleriniń qıylysynda arnaıy jasaq "kettlıng" ádisin qoldanyp qorshaýǵa alyp, túski 12-den beri ustap tur.

Belsendiler men arnaıy jasaq qaqtyǵystarynyń birinde eki áıel "qabyrǵamdy syndyrdy" dep densaýlyǵyna shaǵyndy. Olardyń birin jedel járdem kóligi alyp ketti.

Qalǵan belsendiler qorshaýda tur. Olarǵa jany ashyǵan azamattar arasynda syrttan as-sý salynǵan paketter laqtyrýda. Ájethanaǵa barǵysy keletinderdi polısııa bir-birlep aparyp, qaıtadan qorshaýdyń ishine kirgizip jatyr. Májilis saılaýy kúngi mıtıngte belsendilerge ájethanaǵa barýǵa ruhsat bermeı, keıbiri sol jerde qajetin óteýge májbúr bolǵan.

Qorshaýdaǵy belsendiler dybys ulǵaıtqyshpen "jer satylmasyn", "nesıe amnıstııasy jarııalansyn", "saıası tutqyndardy bosatylsyn" Nazarbaev, ket", "Eýroparlament qarary oryndalsyn" dep urandatyp, ózderin bosatpaıynsha turatynyn málimdeýde.

Qazirgi ýaqytta Almatyda -4 gradýs sýyq.