28 aqpanda Azattyq radıosynyń tilshisi Qazıs Toǵyzbaev 72 jasynda Almatydaǵy koronavırýs aýrýhanasynda qaıtys boldy. Bul týraly Azattyq radıosy habarlady.

Saıt málimetinshe, Qazıs Toǵyzbaevtan koronavırýs 25 qańtarda anyqtalyp, aýrýhanaǵa jatqyzylǵan. Jýrnalısti 22 aqpanda klınıkadan shyǵarǵanymen, keıin hali aýyrlap qaıta aýrýhanaǵa jetkizilgen. Al jeksenbide jaqyndary onyń júregi toqtaǵanyn habarlady.

Ol 2008 jyldyń qyrkúıeginen beri Azattyq radıosynyń Qazaq qyzmetinde tilshi retinde jumys istedi.

Zapastaǵy polkovnık Qazıs Toǵyzbaev áskerı qyzmetinen soń jýrnalıstıkaǵa, fotografııaǵa bet burdy. Oppozısııalyq "Sóz" jáne "Azat" gazetterinde qyzmet etti. kub.info saıtynda blog júrgizip, Almaty mańyndaǵy Shańyraq aýdanynan jurtty kúshtep kóshirý jaıly fotoreportajdar jarııalady.

Ony áriptesteri kásibıligi men jasyn syılap "Qazıs aǵa" deıtin. Áskerı tártip pen tik minezi, shynshyldyǵy, senimdiligi jáne jaısańdyǵy áriptesimizdiń rýhty adam ekenin aıqyndap turatyn.

Qazıs Toǵyzbaev 2007 jyly qańtarda Qazaqstandaǵy demokratııalyq qundylyqtardy damytýǵa qosqan úlesi úshin "Azattyq" syılyǵymen marapattaldy. Ol Azattyqtyń Qazaq qyzmetinde kóbine saıası, adam quqyǵy, áskerı taqyryptaryn jazdy. Azattyq redaksııasy Qazıs aǵaǵa aýyr saıası taqyryptardy tapsyratyn. Ol árqashan senimdi aqtap, tolymdy maqalalar joldaıtyn.

Qazıs Toǵyzbaev – 2011 jyly jeltoqsanda Jańaózenge baryp, sol jaqtaǵy oqıǵadan alǵash bolyp barǵan jýrnalıst. 2011 jyly jeltoqsanda bolǵan Jańaózendegi munaıshylar ereýilinde polısııa narazylarǵa oq atyp, resmı derek boıynsha 17 adam qaıtys boldy. Qazıs aǵa Mańǵystaý oblysynan obektıvti reportajdar taratyp, Jańaózende ne bolyp jatqanyn der kezinde habarlap otyrdy.

Qazıs aǵanyń "Zamanbek Nurqadilovtiń ólimi. Úsh ret atylǵan oq jáne rejımdi saqtap qalý joly", "Aron Atabektiń qapasta ótkizgen 14 jyldaǵy alǵashqy ótinishi", "Saılaýdan keıingi bir jyl. Toqaev Nazarbaevtyń kóleńkesinen shyǵa aldy ma?", "Sovet kezinde qýǵyndalyp, Nazarbaev tusynda dıssıdentke aınalǵan Kárishal Asanov" syndy maqalalaryn oqyrman tarapynan kóp oqylyp, kóp talqylandy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir