Almatyda Seıfýllın men Tórequlov kósheleriniń qıylysynda №123 marshrýt avtobýsy men eki jeńil kóliktiń qatysýymen iri jol apaty bolyp, birneshe adam japa shekti. Bir adamnyń jaǵdaıy aýyr. Bul týraly kris_p_almaty instagram paraqshasynda habarlandy.

Avtobýs Seıfýllın kóshesimen ońtústik baǵytqa qaraı ketip bara jatqan. MEGA Park saýda úıi mańyna kelgende belgisiz sebeppen jol jıigeni qaraı shuǵyl burylyp, aldymen Hyundai Accent kóligine soqtyǵysyp, ony ushyryp jibergen. Ekpini basylmaǵan avtobýs trotýarǵa shyǵyp, birneshe jaıaý júrginshini qaǵyp, saýda úıiniń jerasty avtoturaǵyna qaraı burylady. Avtoturaqtan shyǵyp kele jatqan Volkswagen Polo qaǵyp, turaq betonyna soǵylyp baryp toqtaǵan.

Ázirge birneshe adam japa shekkeni belgili. Onyń ishinde jaıaý júrginshiler, avtobýs jolaýshylary men avtobýs júrgizýshisi bar. Jaıaý júrginshilerdiń biriniń jaǵdaıy aýyr ekeni habarlandy.

 
 
 
Posmotret etý pýblıkasııý v Instagram
 
 
 

Pýblıkasııa ot Almaty | KZ | Telegram (@kris_p_almaty)

"Qamshy" silteıdi
Ilmek sózder: jol apaty

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir