Foto: TJM resmı ókili Talǵat Ýálı
Túrkistan oblysynda jekemenshik úıden ys tıgen bes adamnyń denesi tabyldy, onyń tórteýi kámeletkeke tolmaǵan. Bul týraly QR TJM resmı ókili Talǵan Ýálı málimdedi.
"2021 jylǵy 27 aqpanda saǵat 18:35-te Túrkistan oblysy TJD kezekshi-dıspetcherlik qyzmetiniń pýltine "103" qyzmetinen Túrkistan qalasyndaǵy jeke turǵyn úıde kórshileri 5 adamnyń, onyń ishinde 4 kámelettik jasqa tolmaǵan balanyń máıitin taýyp alǵany týraly habarlama tústi. Úı ishinde órt bolǵany baıqalmaıdy. Úıde tabıǵı gazben jylytý jabdyǵy ornatylǵan" delingen habarlamada.
Qazir oqıǵanyń mán-jaıy anyqtalýda.
"Oqıǵa ornyna TJD (6 qyzmetker, 2 dana tehnıka), PD (15 qyzmetker jáne 4 dana tehnıka), jedel medısınalyq kómek aýrýhanasy (3 qyzmetker jáne 1 dana tehnıka), "QazTransGaz" AQ (3 qyzmetker jáne 1 dana tehnıka) qyzmetkerleri shyqty" delingen habarlamada.
Artynsha, 5 adam ys tıip qaıtys bolǵany habarlandy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir