Armenııadan ákelingen kólikterdi tirkeý merzimi taǵy 1 naýryzǵa deıin uzartyldy. Bul týraly Ishki ister mınıstrligi málimdedi.

Mınıstrlik habarlaýynsha, Qazaqstanda 2020 jyldyń 1 aqpanyna deıin Armenııadan ákelingen jáne tirkeý sharttary durys 20 myńnan asa kólik esepke qoıylǵan. Kóligin tirkeı almaǵan myńnan asa júrgizýshi de bar. 

"Kúrdeli epıdemıologııalyq jaǵdaı men karantın shekteýleriniń uzaqqa sozylýyna baılanysty engizilgen memlekettik shekarany kesip ótý shekteýlerinen avtokólikti Armenııaǵa keri áketý problemalary týyndady. Keıbir avtokólik ıesi de karantınge baılanysty qaıta jabdyqtalǵan avtokóligin zerthanalarda ýaqytyly synaqtan ótkize almady, sebebi olar keı óńirde jumys istemeıdi" delingen habarlamada.

Úkimet mundaı kólikterdi tirkeý merzimin 2022 jyldyń 1 naýryzyna deıin uzartty.  Qazaqstanda tirkeýden ótken osyndaı avtomobıl ıelerin Armenııada salyqtan bosatý týraly úkimetaralyq kelisim ishki jáne memleketaralyq rásimderden ótip jatyr. Bul sharalar avtokólik ıeleri úshin (Armenııa men Qazaqstanda) "eki ret" salyq tóleýden bosatýǵa baǵyttalǵan.



"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir