26 Aqpan, 2021 NEWS
Foto: Ishki saıasat jáne jastar isteri jónindegi basqarmanyń facebook paraqshasynan
Belgili jýrnalıst Mádı Manatbek Shymkent qalasy ishki saıasat jáne jastar isteri jónindegi basqarmasynyń basshysy bolyp taǵaıyndaldy. Bul týraly vedomstvonyń baspasóz qyzmeti habarlady.
"Shymkent qalasy ákiminiń ókimimen ishki saıasat jáne jastar isteri jónindegi basqarmasynyń basshysy mindetin atqarýshy bolyp Mádı Manatbekuly taǵaıyndaldy" delingen habarlamada.
Mádı Manatbekuly 1978 jyly 25 mamyrda dúnıege kelgen.
Eńbek jolyn 1998 jyly respýblıkalyq "Nartáýekel" gazetinde tilshilik qyzmetten bastaǵan.
1999 jyly qalalyq "Shymkent kelbeti" gazetinde, 2000 jyldan bastap "Otyrar" telearnasynda jýrnalıst bolyp qyzmet atqarǵan, sporttyq "Topjarǵan", qylmystyq "Oqıǵa izimen" baǵdarlamalarynyń avtory ári júrgizýshisi bolǵan.
2001-2006 jyldary "Astana" telearnasynda jańalyqtar júrgizýshisi, aptalyq aqparattyq-saraptamalyq "Úsh shırek", "Ashyq áńgime" baǵdarlamalarynyń avtory ári júrgizýshisi jáne 2006 jyly "31 arna" Astana qosynynyń tilshisi bolyp eńbek etken.
2007 jyly MARMILAT jarnama agenttiginiń dırektory qyzmetin atqarǵan;
2008 jyly "Habar Agenttigi" AQ jańalyqtar qyzmetiniń júrgizýshisi;
2010-2013 jyl aralyǵynda "Qazaqstan" RTRK" AQ aptalyq aqparattyq-saraptamalyq Apta.kz baǵdarlamasynyń júrgizýshisi, qoǵamdyq-saıası baǵdarlamalar bóliminiń jetekshisi, "Qazaqstan" RTRK" AQ basqarma tóraǵasynyń orynbasary qyzmetterinde boldy.
2013-2017 jyldary BAQORDA media group JShS bas dırektory;
2017-2018 jyldary "Qazaq radıolary" JShS bas dırektory;
2018-2019 jyldary "Otandastar Qory" KEAQ-y vıse-prezıdenti;
2019-2021 jyldary "Gorod Kıno" JShS-niń bas prodıýseri;
2021 jyldyń qańtar aıynan búginge deıin "Astana" radıosynyń dırektory qyzmetin atqarǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir