Foto:@patriotkaragandy akkaýntynan alyndy

Áleýmettik jelide kóligi buzylyp dalada qalǵan azamattyń qulaǵyn úsitip alǵanyn aıtqan vıdeo tarady. Belgisiz azamat vıdeoda "beker shyǵyppyn jolǵa, qulaǵymnan aıryldym-aý" degen ókinishin bildiredi. Kirpigine sheıin muz qatqan azamat kóliginiń buzylyp qalǵanyn, tıisti oryndarǵa habarlasa almaı otyrǵanyn aıtady.

Artynsha @patriotkaragandy akkaýntynda er adam aman-esen emdeý mekemesine jetkizilgeni biraq "qulaǵyn saqtaý múmkin bolmaǵandyqtan kesilgeni habarlandy. Bul aqparattardyń Qaraǵandy oblysyna tıesili akkaýnttarda taraǵanyna qaraǵanda, oqıǵa da osy oblysta tirkelgen sekildi.

Aıta keter jaıt, qazir elimizdiń kóptegen oblystarynda aıaz kúshine enip tur. Sınoptıkter aıazdyń beti ázir qaıtpaıtynyn, sondyqtan jolǵa da shyqpaý qajet ekenin eskertýde. 

Erteń de eldiń 11 oblysynda qolaısyz aýa raıy kútiledi, keı jerlerde aıaz -35-40 gradýsqa deıin jetedi. Jambyl oblysynda, Taraz, Jezqazǵan, Qaraǵandy ​​oblystarynda, Qaraǵandy, Soltústik Qazaqstan, Aqmola, Túrkistan, Aqtóbe jáne Atyraý oblystarynda daýyldy eskertý jarııalandy.

26-28 aqpanda Jambyl oblysynda keı jerlerde tuman, 26 aqpanda túnde burqasyn bolýy múmkin.  26 aqpanǵa qaraǵan túni keı jerlerde sekýndyna 15-20 metr bolatyn jel soǵady. Tarazda jel ekpini sekýndyna 23 metrge deıin jetedi. -26-28 aqpanda tuman túsedi. 

Qaraǵandy ​​oblysynyń keı jerlerinde tuman bolýy yqtımal. Ońtústik-batystan jel soǵady, túnde sekýndyna 15-20 metrge jetedi. Túnde keı jerlerde -35-38 gradýstyq aıaz bolýy múmkin. Qaraǵandyda túnde ońtústik-batystan jel soǵady, ekpini sekýndyna 15 metrge deıin jetedi.

Jezqazǵanda -35 gradýsqa deıin qatty aıaz bolady. Soltústik Qazaqstan oblysynda keı jerlerde -40 gradýs qatty aıaz bolýy múmkin.

"Qamshy" silteıdi
Ilmek sózder: aıaz qulaǵy úsý

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir