Foto: Tótenshe jaǵdaılar mınıstrliginiń baspasóz qyzmeti

Pavlodar oblysynda órt sóndirýshi qyzmettik mindetin atqarý kezinde qaıtys boldy, dep habarlady tótenshe jaǵdaılar mınıstrliginiń baspasóz qyzmeti.

Vedomstvo málimetinshe, oqıǵa Pavlodar oblysy Aqsý qalasynyń Aqsý shaǵyn aýdanynda 25 aqpan kúni bolǵan. Tańǵy saǵat 7:46-da turǵyn úıdi órtengeni týraly habarlama túsken. Tórt bólmeli turǵyn úıdiń jalpy aýdany 80 sharshy metrin órt sharpyǵan. О́rt saǵat 10:16-da oqshaýlanǵan, saǵat 11:00-de tolyǵymen sóndirilgen. 

– О́rt sóndirýshiler  qyzyl jalynmen kúresip jatqanda, 1997 jyly týǵan Aqsý qalasy № 12 órt sóndirý beketi bólimshesiniń komandıri  azamattyq qorǵaý serjanty Arystanbek Mashraptyń jaǵdaıy nasharlaǵan. О́rt sóndirýshi Aqsý aýyldyq dárigerlik ambýlatorııasyna es-tússiz kúıde jetkizilgen. Keıin dárigerler onyń qaıtys bolǵandyǵyn habarlady. Oqıǵanyń mán-jaıy anyqtalyp jatyr, – dedi tótenshe jaǵdaılar mınıstrliginiń resmı ókili Talǵat Ýálı.

Sonymen qatar 1995 jyly týǵan № 12 órt sóndirý beketi bólimshesiniń komandıri azamattyq qorǵaý kishi serjanty Ermek Turlybekov aýrýhanaǵa jetkizilip, Pavlodar qalasynyń aýrýhanasyna jatqyzyldy.

Qaıtys bolǵan Arystanbek Mashrap azamattyq qorǵaý organdarynda 2018 jyldan bastap qyzmet atqardy. Pavlodar qalasynyń týmasy, úılengen.

Tótenshe jaǵdaılar mınıstrliginiń ujymy Arystanbek Mashraptyń mezgilsiz qaıtys bolýyna baılanysty marqumnyń jaqyndary men týystaryna kóńil aıtady.

"Adamdardy qutqarý úshin óz ómirin qıǵan TJ qyzmetkerleriniń erligi eren. 1991-2021 jyldary aralyǵynda qyzmettik mindetterin oryndaý kezinde azamattyq qorǵaý organdarynyń 53 qyzmetkeri qaıtys boldy" delingen vedomstvo habarlamasynda.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir