Erjan Babaqumarov Almatynyń densaýlyq saqtaý júıesin damytýdyń ózekti máseleleri boıynsha keńes ótkizdi

Almaty qalasy ákiminiń orynbasary Erjan Babaqumarov Qoǵamdyq densaýlyq basqarmasynyń, taýarlar men kórsetiletin qyzmetterdiń sapasy men qaýipsizdigin baqylaý Departamentiniń, Áleýmettik medısınalyq saqtandyrý qory fılıalynyń basshylyǵy men qyzmetkerleriniń, sondaı-aq qalanyń medısınalyq uıymdarynyń bas dárigerleriniń qatysýymen beınekonferensııa baılanys arqyly keńes ótkizdi.

Qala turǵyndaryna kórsetiletin medısınalyq qyzmetterdiń sapasyn arttyrý, medısınalyq uıymdardy mamandarmen qamtamasyz etý deńgeıi, ana men bala ólimine, onkologııalyq aýrýlardan jáne qan aınalymy júıesi aýrýlarynan bolatyn ólimge qarsy kúres bóliginde megapolıstiń densaýlyq saqtaý júıesin damytýdyń ózekti máseleleri qaraldy.

Almatyda 74 memlekettik medısınalyq uıym, 13 respýblıkalyq jáne 90 jeke menshik, 1383 alǵashqy medısınalyq-sanıtarlyq kómek ýchaskesi jumys isteıdi. 6046 dáriger jáne 12969 orta medısınalyq qyzmetker jumys isteıdi.

Densaýlyq saqtaý júıesi tıimdiliginiń mańyzdy kórsetkishteriniń biri halyqtyń medısınalyq qyzmetterge qanaǵattanýy bolyp tabylady. 2020 jyly bul kórsetkish 5%-ǵa artyp, 54,3%-dy quraǵanyna qaramastan, pasıentter medısınalyq qyzmetkerler tarapynan bolatyn dórekilikke, tegin dári-dármekterdiń bolmaýy nemese berýden bas tartý, tirkeýden bas tartý, kórsetiletin medısınalyq kómektiń sapasy, aýrýhanaǵa jatqyzýdan bas tartý faktilerine shaǵymdanýdy jalǵastyrýda. Mundaı kemshilikter №4, 8, 11, 12, 17 emhanalarǵa jáne №7, 4, 2 qalalyq aýrýhanalarǵa qatysty, osy máselelerge medısınalyq uıymdardyń basshylary nazar aýdardy.

Almaty ákiminiń orynbasary Erjan Babaqumarov medısınalyq uıymdar deńgeıinde «altyn saǵat» ishinde pasıenttermen týyndaıtyn ınsıdentterdi jedel sheshýdi tapsyrdy. Sonymen qatar, bas dárigerler medısınalyq qyzmetkerlerdi kommýnıkasııalyq daǵdylarǵa úıretýdi uıymdastyryp, medısınalyq qyzmet kórsetý standarttaryn saqtaýy kerek. Bul rette, medısınalyq kómektiń kepildik berilgen kólemi jáne MÁMS sheńberindegi qyzmet pen kórsetiletin qyzmetter týraly barlyq aqparat medısınalyq uıymdardyń saıttarynda jarııalanýǵa tıis.

Medısınalyq qyzmetterdiń sapasy kásibılik deńgeıine jáne kadrlarmen jasaqtalýyna tikeleı baılanysty. 2020 jyly mamandar tapshylyǵy 30%-ǵa qysqardy. Medısınalyq qyzmetkerler kadrlarynyń jetispeýshiligin toltyrý maqsatynda Erjan Babaqumarov medısınalyq uıymdardy mamandarmen qamtamasyz etýdiń uzaq merzimdi boljamyn qalyptastyrýdy jáne áleýmettik qoldaý sharalaryn qamtıtyn «jol kartasyn» ázirleýdi, medısınalyq qyzmetkerlerdi, onyń ishinde sala mamandaryn daıarlaýǵa granttardy ulǵaıtýdy tapsyrdy.

Ana men bala densaýlyǵyn qorǵaýǵa qatysty Almatyda ótken jyly júktilik merzimi 12 aptaǵa deıingi 44818 áıel esepke alyndy, bul 82%-dy quraıdy. Baqylaýmen erte qamtý júktilik pen bosaný kezindegi múmkin bolatyn asqynýlardy boljaýǵa múmkindik beredi, ártúrli qaýipterdi azaıtady.

Keńes barysynda perınataldyq býynnyń barlyq kezeńderinde jumysty uıymdastyrý boıynsha menedjmenttegi kemshilikter aıtyldy. Osyǵan baılanysty, ana men bala ólimin azaıtý maqsatynda qala ákiminiń orynbasary E. Babaqumarov júktilikti baqylaýdyń barlyq deńgeılerindegi ózara is-qımyldy kúsheıtýdi, baqylaý jáne bosanǵannan keıingi kezeńde MSAK patronajdyq qyzmetiniń tıimdiligin arttyrýdy tapsyrdy.

Onkologııadan bolatyn ólim-jitimniń aldyn alý maqsatynda halyqtyń táýekelshil is-áreketterin tómendetý boıynsha profılaktıkalyq jumys kúsheıtiletin bolady. Qan aınalymy júıesi men tynys alý organdary aýrýlarynan bolatyn ólim-jitimdi azaıtý jónindegi sharalar sheńberinde medısınalyq uıymdardy materıaldyq-tehnıkalyq jaraqtandyrý nyǵaıtylýda, rentgen jáne KT-sýretterdiń biryńǵaı derekqoryn qura otyryp, AT-tehnologııalar engizilýde, kardıologııalyq qyzmet kúsheıtilýde, emdeýdiń ozyq ádisteri engizilýde.

Keńeste qalalyq kardıologııalyq jáne onkologııalyq ortalyqtardyń basshylary tyńdaldy. Máselen, onkoortalyqta sońǵy 3 jylda emdeýmen qamtý 80%-dy qurady, 2020 jyly qamtý 96%-ǵa deıin ulǵaıdy, nátıjesinde aldaǵy jyldary ólim-jitim deńgeıin tómendetýge múmkindik beredi. Sonymen qatar, jedel áreket etý jáne shuǵyl joǵary bilikti kómek kórsetý maqsatynda medısına salasyndaǵy úzdik qalalyq jáne respýblıkalyq mamandardan turatyn mobıldi top qurylatyn bolady.

Qalanyń bas memlekettik sanıtar dárigeri, Almaty qalasynyń Sanıtarlyq-epıdemıologııalyq baqylaý departamentiniń basshysy J. Bekshın medısınalyq uıymdardyń aýmaǵynda sanıtarlyq talaptardyń saqtalýyn jáne gospıtaldyq epıdemıologtardyń biliktiligin arttyrýdy kúsheıtilgen baqylaýdyń mańyzdylyǵyn atap ótti.

О́z kezeginde, «Áleýmettik medısınalyq saqtandyrý qory» KEAQ qalalyq fılıalynyń basshysy T.Ábildaev dárilik preparattar qoımasy aýdıtiniń qorytyndysyn shyǵardy. Búgingi tańda 31 mln birlik dárilik preparattar men medısınalyq buıymdar bar, bul qala qajettiliginiń eki aılyq qorynan asyp túsedi.