Qazaqstanda 1 naýryzdan bastap karantın jeńildeıdi

Atameken UKP tóraǵasynyń orynbasary Iýlııa Iаkýpbaeva 2021 jylǵy 1 naýryzdan bastap Qazaqstanda karantın talaptary jeńildeıtinin habarlady.

Iýlııa Iаkýpbaeva búgin ótken vedomstvoaralyq komıssııanyń otyrysynda syrqattaný deńgeıiniń birtindep tómendeýi eskerilip, UKP men óńirlerdiń keıbir usynystary qoldaý tapqanyn málim etti. Soǵan saı, tómendegideı qyzmet túrlerine ruhsat etiledi.

"Jasyl aımaqtaǵy óńirlerde:
1) Sporttyq jarystarǵa kórermen qatysýyna (kelýshiler lımıti talqylanady)
2) 50-ge deıingi adamdarǵa birge tamaqtanýǵa (biraq zal qýatynyń 30% artyq emes)
3) bılıard qyzmetine
4) úı-jaılardaǵy balalar oıyn-saýyq klýbtarynyń qyzmetine
5) sırkter qyzmeti

Sary aımaqtaǵy óńirlerde:
Jeksenbi kúni bazarlardyń, saýda oıyn-saýyq ortalyǵy men saýda úıleriniń jumysyna shekteýler alynyp tastaldy.

AShYQ qosymshasy:
1) boýlıng qyzmetine;
2) kompıýterlik klýbtardyń qyzmetine;
3) fıtnes-ortalyqtar, basseınder qyzmetine ruhsat etiledi" delingen Iаkýpbaevanyń jazbasynda.

Onyń aıtýynsha, sanıtarlyq talaptardy saqtaı otyryp, barlyq bıznes sýbektileri birtindep jumysqa qaıta oralady.