Ekibastuzdaǵy kisi ólimi. Kúdikti zeınetker ekeni habarlandy

Pavlodar oblysy Ekibastuz qalasynda jurt kózinshe er adamdy atyp óltirdi delingen kúdikti ustaldy. Shuǵyl izdeý sharalarynyń nátıjesinde 65 jastaǵy er adam ustalǵan. Bul týraly Pavlodar oblysy polısııa departamentiniń basshysy Nurlan Másimov málim etti.

Búginde atalǵan is boıynsha qylmystyq kodekstiń 99-baby 1-bólimi (kisi óltirý) boıynsha sotqa deıingi tergeý bastalǵan.

Keshe Ekibastuz qalasy polısııa basqarmasy tańǵy 8.00-der shamasynda Sátpaev kóshesindegi № 12/6 mańynda belgisiz bireý turǵynúı aýlasynda jurt kózinshe er adamdy atyp óltirgeni habarlaǵan. Bul sát aýladaǵy beınebaqylaý kameralarynyń birine túsip qalǵan.

Vıdeodan belgisiz bireýdiń tapanshamen er adamdy eki ret atqanyn kórýge bolady.

Artynsha, qaza tapqan adam 1960 jyly 24 tamyzda týǵan Janat Maksýtova esimdi KEGOG kompanııasynyń elektromonteri ekeni anyqtaldy.