Tótenshe jaǵdaılar mınıstri Iýrıı Ilın Jambyl oblysy Jańatas qalasyndaǵy bes balanyń qaıtys bolýyna sirińke sebep bolýy múmkin ekenin málimdedi. Bul týraly «Habar»agenttigi habarlady.

– Anasy 5 balany úıde qaldyryp, dalaǵa shyǵýyna ne sebep bolǵanyn bilmeımin. Múmkin mańyzdy sebebi de bolǵan shyǵar. Qazir tergeý jumystary júrip jatyr.

Úı kópqabatty jáne ortalyq jylytý júıesine qosylǵan. Pesh joq. Jylý ortalyqtan keledi. Elektr symdarynan aqaýlyqtar baıqalǵan joq. Balalar abaısyzda sirińke qoldanǵan bolýy múmkin, – dedi mınıstr.

Qaıtys bolǵan 5 qyzdyń týysy Saıdmuhammed Ábdimálikov oqıǵanyń qalaı bolǵanyn túsindirdi.

– Keıbir adamdar páterde jylý bolmaǵan, jylytqyshtar qoldanylǵan dep jazyp jatyr. Munyń bári ótirik! Mundaı bolǵan joq, bolýy múmkin emes edi. Kelin úıde balalarmen otyrǵan, ol dúkenge shyǵyp ketti. Balalar sol kezde sirińkemen oınap, oıynshyqtar janǵan, – dep aıtty ol.

Eske sala keteıik,  Jambyl oblysy Jańatas qalasy 2 yqshamaýdandaǵy 5 qabatty turǵyn úıdiń 3-shi qabatynda órt bolǵan. Páter ishinde ata-ananyń qaraýynsyz kámelet jasyna tolmaǵan 2015, 2016, 2017, 2019 jáne 2020 jyldary týǵan 5 bala qalǵan.

О́rt bolǵan ýaqytta úıdiń otaǵasy jumysta bolǵany, al anasy dúkenge shyǵyp ketkeni habarlandy. Tútinge ýlanǵan balalar jedel túrde aýrýhanaǵa jetkizilgenimen, araǵa biraz ýaqyt salyp kóz jumǵan.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir