Ilon Mask bir post jarııalap, 15 mlrd dollarynan aıyryldy

Bloomberg Billionaires ındeksine sáıkes Tesla kompanııasynyń bas dırektory Ilon Mask endi álemdegi eń baı adam emes. 

Masktyń ornyn Amazon kompanııasynyń bas dırektory Djeff Bezos basty. 

Tesla kompanııasy 8.6%-ǵa arzandap,  buǵan deıin ǵalamshardaǵy eń baı adam bolǵan Ilon Mask 15,2 mıllıard dollaryn joǵaltty. 

Bloomberg Masktyń Bitcoin (BTC) jáne Ethereum (ETH) krıptovalıýtalarynyń baǵasyna qatysty tvıti kásipkerdiń dáýletiniń tómendeýine yqpal etkenin aıtady.

15,2 mıllıard dollar joǵaltqan Ilon Masktyń dáýleti 183,4 mld dollarǵa baǵalanyp, Bloomberg Billionaires ındeksi boıynsha ekinshi orynǵa syrǵydy, al  186,3 mıllıard dollarymen Djeff Bezos birinshi orynǵa jaıǵasty.