• USD 424.85

  • EUR 504.21

  • RUB 5.84

  • CNY 65.86

19 Qazan, 17:29:32
Almaty
+15°

2019 jyly Nur-Sultan qalasyndaǵy bes balanyń qazasynan soń Úkimet ataýly áleýmettik kómek taǵaıyndap, analardyń ashýy qaıtqansha, bala basyna 21 myń teńgeden tólep «qaryq» qylǵanymen, artynsha «jatypisher ákeler kóbeıip bara jatyr», «bul járdemaqy elimizde jumys istemeıtin ata-analar sanyn arttyrýda» degen túrli syltaýmen járdemaqy tóleý júıesine ózgeris engizip, aınaldyryp ákelip, bala basyna on myń teńgeden tóleýge toqtaldy. 

Onda da kópbalaly otbasylarǵa, ıaǵnı tórt balasy bar otbasylarǵa – 42 496 teńge, bes balasy barlarǵa  – 53127 teńge kólemindegi bala basyna qaraı járdemaqy qarastyrylǵan bolatyn. Iаǵnı, ár balaǵa on myń teńge kóleminde ǵana járdemaqy taǵaıyndaldy. Bul soma qarap otyrsaq, bir balanyń baqshaǵa tóleıtin aqshasyna da jetpeıdi. Buǵan ata-ana balalaryna tamaq ala ma, salmaǵy men boıy aı saıyn ósetin balaǵa kıim ala ma, álde balabaqshaǵa tóleı me? Osy jaǵdaıǵa ashynǵan nur-sultandyq kópbalaly analar taǵy da tıisti oryndarǵa naqty talap qoıýda.

– Qymbatshylyqtan, ár balaǵa 10 myń teńge kóleminde tólenetin aqsha eshteńege jetpeıdi. Azyq-túlik te, kommýnaldyq qyzmet te, kıim de qymbattap barady, – degen analar "ár balaǵa 42 500 teńgeden berý kerek" deıdi.

Al biz sol "42500 teńgeniń ózi ár balanyń áleýmettik máselesin tolyǵymen sheshe me?" degen saýal tóńireginde mamandar pikirimen máseleni salmaqtap kórgen edik.

Nurlan Aıekeshov, áleýmettanýshy:

– Bes balanyń qazasy arqyly kópbalaly analardyń talap qoıýy ádetke aınalyp barady. О́ıtkeni osyǵan deıin ıis tıip, órt saldarynan úıde qalǵan eki-úsh balanyń da qaza tabý oqıǵalary kezdeskenimen, qoǵam selt ete qoımady. Bizdiń qoǵam tek bes bala shetinese ǵana eleń etip, áleýmettik máselesin sheship berýge úırenip qalǵan sekildi. Sondyqtan meniń aıtarym, bir bala da – bala, eki bala da – bala, kópbalaly, bir balaly dep alalamaı, jalpy qoǵamdaǵy barlyq balaǵa jaǵdaı jasaıtyn kez jetti. Sondyqtan járdemaqy barlyq balaǵa ol 18 jasqa tolǵansha tólenýi kerek. О́ıtkeni bir-eki balaly biraq ne baspanaly bola almaı, ne jumys taba almaı qınalyp júrgen jas otbasylar jeterlik. Olar kóbine, turmystyń taýqymetine shydaı almaı ajyrasyp ketip jatady. Al kópbalaly analarǵa balabaqshany tegin qylý sekildi jaǵdaı jasalýy kerek. Oǵan elimizidń jaǵdaıy jetedi. Túrli halyqaralyq sharalarǵa jyldar boıy aqsha shashyp keldik qoı, endi balalarymyz – bolashaǵymyzǵa jaǵdaı jasaýymyz kerek. 

Qýanysh Ersuńqar

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi
Ilmek sózder: 42500 bala járdemaqy

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir