AQSh prezıdenti pandemııadan kóz jumǵandardy eske alý úshin únsizdik jarııalady

AQSh prezıdenti Djo Baıden halyqqa úndeý tastap, koronavırýstan qaıtys bolǵandarǵa aza tutty. Ol AQSh-ta pandemııadan 500.000 adamnyń qaza tapqanyn málimdedi. 

– Biz ult retinde mundaı qatal taǵdyrdy qabyldaı almaımyz. Biraq bir jaǵynan qaıǵyǵa berilip ketpeýimiz de kerek, – dedi Baıden.

Sodan keıin prezıdent pen vıse-prezıdent jáne olardyń jubaılary sham jaǵý rásimi kezinde Aq úıdiń aldynda bir mınýt únsizdik jarııalady.

Aqparatqa sáıkes, 28,1 mıllıonnan astam amerıkalyq ınfeksııa juqtyrǵan. Iаǵnı, AQSh pandemııadan álem boıynsha eń aýyr zardap shekken elderdiń qatarynda.

Amerıkalyqtardy COVID-19-ben jumyla kúresýge shaqyrǵan Baıden:

– Búgin men barsha amerıkalyqty osy dert saldarynan joǵaltyp alǵan jaqandarymyz ben bastan ótkergen qıyn kúnderimizdi eske alýǵa shaqyramyn, – dedi.