Bıyl 17 mln sharshy metr úı paıdalanýǵa beriledi. Bul týraly premer-mınıstr Asqar Mamın úkimet otyrysynda málimdedi. 

– Turǵyn úı saıasatyn tıimdi iske asyrý elbasy Nursultan Ábishuly Nazarbaevtyń 2030 jyly úımen qamtamasyz etýdi 1 adamǵa 30 sharshy metrge deıin jetkizý týraly tapsyrmasyn oryndaýǵa múmkindik beredi. Memleket basshysy Qasym-Jomart Kemeluly Toqaev Nur Otan partııasynyń saılaýaldy baǵdarlamasyn tanystyrǵan kezde aldaǵy bes jylda 100 mln sharshy metrden astam úı salýdy tapsyrdy. Osylaısha biz 1 mıllıonǵa jýyq otbasyn úımen qamtamasyz ete alamyz.

Osyndaı aýqymdy mindetterdi júzege asyrý úshin turǵyn úı saıasatyna reforma júrgizilip jatyr. Onda turǵyn úıdiń qoljetimdiligin arttyrý, jeke qurylys salýshylardyń ınvestısııalaryn jaldamaly turǵyn úı salýǵa tartý úshin jańa sharalar kesheni kózdelgen, – dedi ol.

Asqar Mamın bıyl 17 mln sharshy metr úıdi paıdalanýǵa berýge josparlanǵanyn atap aıtty.

– Bul jumysta "Otbasy bank" negizgi qural bolmaq. Ol baspanaǵa muqtaj adamdardyń kezegin bir ortalyqtan qalyptastyryp, "Nurly jer" memlekettik baǵdarlamasy aıasynda olarǵa jeńildikti turǵyn úılerdi satady. Barlyǵy osy jyly 17 mln sharshy metr úıdi paıdalanýǵa berý josparlanǵan. Bul ótken jylǵa qaraǵanda 2 mln sharshy metrge kóp, – dedi premer-mınıstr.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir