• USD 424.85

  • EUR 504.21

  • RUB 5.84

  • CNY 65.86

20 Qazan, 07:53:32
Almaty
+11°

Jambyl oblysy Jańatas qalasyndaǵy órt saldarynan japa shekken otbasyǵa páter berildi. Bul týraly oblys ákiminiń baspasóz qyzmeti habarlady.

"Balalardyń ata-anasyna demeýshiler esebinen Jańatas qalasynan 3 bólmeli páter berildi, al Sarysý aýdanynyń kásipkerleri baspanaǵa qajetti jıhaz ben tehnıka alyp berdi. Qoǵamdyq uıymdar, demeýshilermen 3 mln teńgeden astam qarjy jınalyp, materıaldyq kómek kórsetildi" delingen oblys ákimdigi taratqan habarlamada.

Sonymen qatar memlekettik qyzmetkerler bir kúndik jalaqysyn kómek retinde joldaıtyn boldy.

Eske sala keteıik,  Jambyl oblysy Jańatas qalasy 2 yqshamaýdandaǵy 5 qabatty turǵyn úıdiń 3-shi qabatynda órt bolǵan. Páter ishinde ata-ananyń qaraýynsyz kámelet jasyna tolmaǵan 2015, 2016, 2017, 2019 jáne 2020 jyldary týǵan 5 bala qalǵan.

О́rt bolǵan ýaqytta úıdiń otaǵasy jumysta bolǵany, al anasy dúkenge shyǵyp ketkeni habarlandy. Tútinge ýlanǵan balalar jedel túrde aýrýhanaǵa jetkizilgenimen, araǵa biraz ýaqyt salyp kóz jumǵan.

Jambyl oblystyq polısııa departamenti bastyǵynyń birinshi orynbasary Baqyt Rataev órttiń shyǵý sebebin aıtqan.

 

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir