20 aqpan kúni Baıqońyrda joǵalyp ketken segiz jasar Erhan Anastyń neden qaıtys bolǵany belgili boldy. Bul týraly Reseı Federasııasy tergeý komıtetiniń baspasóz qyzmeti habarlady.

Tergeý komıtetiniń málimetinshe, 21 aqpanda Baıqońyr qalasynan 500 metr qashyqtyqta muz jıeginen Erhan Anastyń máıiti tabylǵan.

"Sot-medısınalyq saraptama ólimniń sebebi sýǵa batqan kezde tynys alý joldary sýmen jabylýyna baılanysty mehanıkalyq asfıksııa bolǵanyn anyqtady. Máıitte basqa dene jaraqattary joq. Erhan Anasqa qatysty zorlyq áreketterdiń jasalǵany týraly derekter joq " delingen habarlamada.

Qazirgi ýaqytta ekinshi balany izdeýge Baıqońyr qalasynyń turǵyndary, avıasııalyq tehnıka, súńgýirler jáne eriktiler jumyldyrylyp jatyr.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir